September 20, 2019
September 20, 2019
ദോഹ: ദന്തമജ്ജ മൂലകോശ ബാങ്കിങ് സേവനത്തിന് ഖത്തറില്‍ തുടക്കമായി. ഫ്യൂച്ചര്‍ ഹെല്‍ത്ത് ആണ് ആരോഗ്യ സംരക്ഷണത്തിനായുള്ള സുരക്ഷിതഭാവിക്കായുള്ള നൂതന പദ്ധതിക്ക് തുടക്കം കുറിച്ചത്.ഖത്തര്‍ ഫിനാന്‍ഷ്യല്‍ സെന്ററിന്റെ നേതൃത്വത്തിലാണ് സ്ഥാപനം പ്രവര്‍ത്തിക്കുന്നത് .
'ആരോഗ്യകരമായ ഭാവിക്ക് പരിഹാരം' എന്ന സന്ദേശവുമായാണ് പുതിയ സേവനമെന്ന് അധികൃതര്‍ വാര്‍ത്താസമ്മേളനത്തില്‍ അറിയിച്ചു. ഭാവിയില്‍ ഉണ്ടാകുന്ന നിരവധി രോഗാവസ്ഥകളെ ചികില്‍സിക്കാന്‍ മൂലകോശങ്ങള്‍ ഉപയോഗപ്പെടുത്തുന്നുണ്ട്. നേരത്തേ തന്നെ മൂല കോശ ശേഖരണ രംഗത്ത് പ്രവര്‍ത്തിക്കുന്ന സ്ഥാപനം വിവിധ അംഗീകാരങ്ങള്‍ നേടിയ മൂലകോശ ബയോബാങ്ക് നടത്തുന്നുണ്ട്.
യു.കെയിലെ നോട്ടിങ്ഹാമിലെ നോട്ടിങ് ഹാം സയന്‍സ് ആന്‍ഡ് ടെക്നോളജി പാര്‍ക്കില്‍ സ്ഥിതി ചെയ്യുന്ന ഫ്യൂച്ചര്‍ ബയോ ബാങ്കിന്റെ ഫ്രാഞ്ചൈസിയായാണ് ഖത്തറിലെ സ്ഥാപനം പ്രവര്‍ത്തനം. ഖത്തറിലെ സിദ്റ ആശുപത്രി, ഹമദ് ആശുപത്രിയിലെ വിമന്‍സ് വെല്‍നസ് ആന്‍റ് റിസര്‍ച്ച്‌ സെന്‍റര്‍ എന്നിവിടങ്ങളില്‍ ജനിക്കുന്ന കുഞ്ഞു ങ്ളുടെ മൂല കോശം സ്ഥാപനം വഴിയാണ് ശേഖരിച്ചുവരുന്നത്.
ഈ രംഗത്തെ നവീനസംവിധാനമാണ് ദന്തമജ്ജ മൂലകോശ ബാങ്കിങ്. ഇതാണ് ഇപ്പോള്‍ ഫ്യൂച്ചര്‍ ഹെല്‍ത്തിെന്‍റ നേതൃത്വത്തില്‍ നടത്തുന്നത്. ഫോണ്‍: 4496 8104, 6677 0318. ഇന്റര്‍ കോണ്ടിനെന്റല്‍ ഹോട്ടലില്‍ നടന്ന വാര്‍ത്താസമ്മേളനത്തില്‍ ഓപ്പറേഷന്‍സ് മാനേജര്‍ ഡോ. ഫരീജ ഹുസൈന്‍ സി.ഇ.ഒ ഫൈസല്‍ ഇസ്മായില്‍, ക്ലിനിക്കല്‍ കണ്‍സള്‍ട്ടന്‍റ് ഡോ.എസ്. അമീര്‍ റിസ്വി, എന്നിവര്‍ പെങ്കടുത്തു.
