May 11, 2020
May 11, 2020
ദോഹ : ഖത്തറിൽ കോവിഡ് വ്യാപനം അന്തിമ ഘട്ടത്തിലേക്ക് നീങ്ങുന്നതായി പഠന റിപ്പോർട്ട്.സിംഗപ്പൂരിലെ ടെക്‌നോളജി ആൻഡ് ഡിസൈൻ യൂണിവേഴ്‌സിറ്റിയിലെ ഗവേഷകരാണ് ഇതുസംബന്ധിച്ച പഠന റിപ്പോർട്ട് തയാറാക്കിയത്. ഇതനുസരിച്ച് 2020 സെപ്തംബർ പതിനാലോടെ ഖത്തറിൽ കോവിഡ് പൂർണമായും അവസാനിക്കുമെന്നാണ് പ്രവചനം.
യു.എ.ഇയിൽ സെപ്തംബർ മൂന്നോടെയും സൗദിയിൽ സെപ്തംബർ പത്തോടെയും കോവിഡ് ഭീഷണി പൂർണമായും അവസാനിക്കുമെന്നും റിപ്പോർട്ടിൽ പ്രവചിക്കുന്നുണ്ട്.അതേസമയം,രോഗവ്യാപനത്തിന്റെ ആഗോളതലത്തിലെ വളർച്ച,ഈ മൂന്ന് ഗൾഫ് രാജ്യങ്ങളും കോവിഡിനെ പ്രതിരോധിക്കുന്നതിൽ സ്വീകരിക്കുന്ന നയങ്ങൾ,പ്രോട്ടോക്കോൾ പ്രകാരമുള്ള പരിശോധനാ രീതികൾ എന്നിവയെ അടിസ്ഥാനമാക്കി ഈ കാലഗണനയിൽ മാറ്റമുണ്ടായേക്കാമെന്നും ഗവേഷകർ അഭിപ്രായപ്പെട്ടു.കോവിഡ് വ്യാപനം ഏറ്റവും ശക്തമായി തുടരുന്ന മൂന്ന് ഗൾഫ് രാജ്യങ്ങളെ മാത്രമാണ് റിപ്പോർട്ടിൽ ഉൾപെടുത്തിയിട്ടുള്ളത്‌.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
