October 24, 2019
October 24, 2019
ദോഹ: അല്‍റയ്യാന്‍ റോഡിലെ കാര്യേജ് വേ ഇന്നും നാളെയും(വെള്ളി,ശനി) അടയ്ക്കും. അല്‍ഷാഫി ഇന്റര്‍ചേഞ്ച് മുതല്‍ ദോഹ വരെയാണ് കാര്യേജ് വേ അടയ്ക്കുന്നതെന്ന് പൊതുമരാമത്ത് അതോറിറ്റി-അശ്ഗാല്‍-അറിയിച്ചു.
ഇന്ന് ഉച്ചയ്ക്കു രണ്ടു മുതല്‍ വൈകിട്ട് എട്ടുവരെയും ശനിയാഴ്ച ഒരു മണി മുതല്‍ ആറുവരെയുമാണ് ഗതാഗത നിയന്ത്രണം. ഈ മേഖലയിലെ ടാറിങ് പ്രവൃത്തി പൂര്‍ത്തീകരിക്കുന്നതിന്റെ ഭാഗമായാണ് ജനറല്‍ ട്രാഫിക് ഡയരക്ടറേറ്റുമായി ചേര്‍ന്നു ഗതാഗത നിയന്ത്രണം ഏര്‍പ്പെടുത്തുന്നത്.
ഗതാഗത നിയന്ത്രണം നിലനില്‍ക്കുന്ന സമയത്ത് ഖാലിദ് ബിന്‍ ഹമദ് ബിന്‍ അബ്ദുല്ല അല്‍അതിയ്യ ഇന്റര്‍ചേഞ്ചിലേക്കുള്ള സര്‍വീസ് റോഡിലേക്ക് ഗതാഗതം തിരിച്ചുവിടും. നിയന്ത്രണം അറിയിച്ചുകൊണ്ടുള്ള സൂചനാബോര്‍ഡുകള്‍ വിവിധ സ്ഥലങ്ങളില്‍ സ്ഥാപിക്കുമെന്ന് അശ്ഗാല്‍ അറിയിച്ചു.
