January 26, 2022
January 26, 2022
ദോഹ : ഖത്തറിൽ കോവിഡ് നിയന്ത്രണങ്ങളിൽ കൂടുതൽ ഇളവുകൾ പ്രഖ്യാപിച്ചു. ഇന്ന് ചേർന്ന മന്ത്രിസഭാ യോഗത്തിലാണ് കുട്ടികൾക്കും കോവിഡ് പ്രതിരോധ വാക്സിനെടുക്കാത്തവർക്കും രാജ്യത്തെ വ്യാപാര മാളുകളിൽ പ്രവേശിക്കാൻ അനുമതി നൽകിക്കൊണ്ടുള്ള തീരുമാനമുണ്ടായത്.മാളുകൾക്ക് 100 ശതമാനം ശേഷിയിൽ പ്രവർത്തിക്കാൻ അനുമതിയുണ്ടെങ്കിലും മാളുകൾക്കകത്തെ റെസ്റ്റോറന്റുകൾക്ക് 50 ശതമാനം ആളുകളെ മാത്രമേ പ്രവേശിപ്പിക്കാൻ അനുമതിയുള്ളൂ.
വ്യാപാര സമുച്ചയങ്ങളിലെ പ്രാർത്ഥനാ ഹാളുകൾ, ട്രയൽ റൂമുകൾ, ടോയ്‌ലറ്റുകൾ എന്നിവ തുറക്കാൻ അനുവദിക്കും.മാളുകൾക്കകത്തെ മറ്റു സ്ഥാപനങ്ങൾക്കും വാണിജ്യ, വ്യവസായ മന്ത്രാലയം നിർണ്ണയിക്കുന്ന പ്രകാരം അനുവദനീയമായ പരമാവധി ഉപഭോക്താക്കളെ പ്രവേശിപ്പിക്കാമെന്നും അറിയിപ്പിൽ വ്യക്തമാക്കിയിട്ടുണ്ട്.
ഇളവുകൾ 2022 ജനുവരി 29 ശനിയാഴ്ച മുതൽ പ്രാബല്യത്തിൽ വരും.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
