December 16, 2021
December 16, 2021
ദോഹ : ഖത്തർ ദേശീയ ദിനവും, അനുബന്ധ പരേഡും നടക്കുന്നതിനാൽ മെട്രോ, മെട്രോ ലിങ്ക് സർവീസുകളിൽ നേരിയ മാറ്റങ്ങൾ ഉണ്ടാവുമെന്ന് അധികൃതർ അറിയിച്ചു. ഡിസംബർ 17, 18 എന്നീ തിയ്യതികളിലാണ് ഈ സർവീസുകളിൽ മാറ്റമുണ്ടാവുക.
അൽബിദ്ദ, കോർണിഷ്, വെസ്റ്റ് ബേ ക്യുപി എന്നീ മെട്രോ സ്റ്റേഷനുകളിൽ ഡിസംബർ 17 രാത്രി 11.30 മുതൽ, ഡിസംബർ 18 രാവിലെ 11.30 വരെ പ്രവേശനം ഉണ്ടാവില്ല. മെട്രോയിലേക്ക് യാത്രക്കാരെ എത്തിക്കുന്ന മെട്രോ ലിങ്ക് ബസ് സർവീസിലും മാറ്റങ്ങളുണ്ട്. വെസ്റ്റ് ബേ സ്റ്റേഷനിൽ നിന്നും പുറപ്പെടേണ്ട M106, M107 എന്നീ സർവീസുകൾ ഡിസംബർ 17, 18 എന്നീ ദിവസങ്ങളിൽ ഉണ്ടാവില്ല. M143 സർവീസ് ഹമദ് ഹോസ്പിറ്റൽ സ്റ്റേഷനിൽ നിന്നും ആരംഭിക്കുമെന്നും അധികൃതർ അറിയിച്ചു.
