November 18, 2020
November 18, 2020
ദോഹ : ഖത്തർ സംസ്കൃതിയുടെ ഈ വർഷത്തെ സിവി ശ്രീരാമൻ സാഹിത്യ പുരസ്കാരം ബീനയുടെ 'സെറാമിക് സിറ്റി' എന്ന ചെറുകഥക്ക്. 50,000 രൂപയും പ്രശസ്തി ഫലകവും അടങ്ങുന്നതാണ് പുരസ്കാരം.
കണ്ണൂർ ജില്ലയിലെ കാഞ്ഞങ്ങാട് സ്വദേശിനിയായ ബീന 14 വർഷമായി സൗദി അറേബ്യയിലെ റിയാദ് ഇന്റർനാഷണൽ ഇന്ത്യൻ സ്‌കൂളിൽ അധ്യാപികയാണ്.
ബീന എഴുതിയ തീരെ ചെറിയ ചിലർ ജീവിച്ചതിന്റെ മുദ്രകൾ, ഒസ്സാത്തി എന്നീ നോവലുകൾ പ്രസിദ്ധീകരിച്ചിട്ടുണ്ട്.
ജിസിസി. രാജ്യങ്ങളിൽ താമസക്കാരായ 18 വയസിനു മുകളിൽ പ്രായമുള്ള പ്രവാസി മലയാളികളുടെ നേരത്തെ പ്രസിദ്ധീകരിച്ചിട്ടില്ലാത്ത മൗലിക രചനകളാണ് പുരസ്‌കാരത്തിനായി പരിഗണിച്ചത്. ഖത്തർ, യുഎഇ, സൗദി, ബഹ്റൈൻ, ഒമാൻ എന്നീ രാജ്യങ്ങളിൽ നിന്നായി 62 കഥകളാണ് മത്സരത്തിന് എത്തിയത്.
സാഹിത്യകാരനും സാംസ്കാരിക പ്രവർത്തകനുമായ എഴുത്തുകാരനുമായ ഇ. പി. രാജഗോപാലൻ, ചെറുകഥാകൃത്ത് അഷ്ടമൂർത്തി എന്നിവരടങ്ങുന്ന ജൂറിയാണ് പുരസ്കാരം നിർണയിച്ചത്. പുരസ്കാരം നവംബർ 20 നു വെള്ളിയാഴ്ച വൈകീട്ട് 5.30നു സൂം മീറ്റിംഗ് വഴി നടക്കുന്ന സംസ്കൃതി കേരളോത്സവം പരിപാടിയിൽ സമ്മാനിക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.
