January 17, 2022
January 17, 2022
ദോഹ : കോവിഡിന്റെ മൂന്നാം തരംഗം ശക്തി പ്രാപിക്കവേ, വാക്സിനേഷൻ പ്രക്രിയയുടെ വേഗത കൂടി രോഗത്തെ ചെറുക്കാനുള്ള പരിശ്രമത്തിലാണ് ഖത്തർ. ഈ കഴിഞ്ഞ വാരത്തിൽ 1,25000 ബൂസ്റ്റർ ഡോസുകൾ വിതരണം ചെയ്തതായി ആരോഗ്യ മന്ത്രാലയം അറിയിച്ചു. 12 വയസിന് മുകളിൽ പ്രായമുള്ള, രണ്ടാം ഡോസ് സ്വീകരിച്ച് ആറുമാസം പിന്നിട്ട മുഴുവൻ പേരും ബൂസ്റ്റർ വാക്സിൻ സ്വീകരിക്കാൻ സന്നദ്ധരായി മുന്നോട്ടുവരണമെന്ന് വാക്സിനേഷൻ വിഭാഗം മേധാവി ഡോക്ടർ സോഹ അൽ ബയാത്ത് അഭ്യർത്ഥിച്ചു.
വാക്സിനെടുത്ത് ആറുമാസം കഴിഞ്ഞാൽ കൊറോണയ്ക്ക് എതിരെയുള്ള പ്രതിരോധശേഷി നഷ്ടപ്പെടുമെന്നത് പഠനങ്ങളിൽ വ്യക്തമാണെന്നും, കോവിഡിനെ തടയുന്നതിൽ ബൂസ്റ്റർ ഡോസ് നിർണായക പങ്ക് വഹിക്കുന്നുണ്ടെന്നും ഡോക്ടർ കൂട്ടിച്ചേർത്തു. രാജ്യത്ത് ഇതുവരെ നാലര ലക്ഷത്തിലധികം പേരാണ് ബൂസ്റ്റർ ഡോസ് സ്വീകരിച്ചത്. രാജ്യത്തെ 28 ഹെൽത്ത് സെന്ററിലും ബൂസ്റ്റർ ഡോസ് സ്വീകരിക്കാനുള്ള സൗകര്യം ലഭ്യമാണ്.
