February 22, 2022
February 22, 2022
ദോഹ: ഭവൻസ് സ്കൂൾ മുൻ പ്രിൻസിപ്പലും പ്രമുഖ വിദ്യാഭ്യാസ തന്ത്രജ്ഞനുമായ ഡോ: ജി.മനുലാൽ (58) അന്തരിച്ചു. കിഡ്നി സംബന്ധമായ അസുഖത്തിന് ചികിത്സയിലിരിക്കെ നാട്ടിൽ വെച്ചായിരുന്നു അന്ത്യം. കൊല്ലം ജില്ലയിലെ പത്തനാപ്പുരത്ത് പോസ്റ്റ് മാസ്റ്റർ ആയിരുന്ന ജി.ഗോപാല പിള്ളയുടെയും പത്മ സുകുമാരി അമ്മയുടെയും മകനാണ്.
2011-ൽ ഭവൻസ് സ്കൂളിന്റെ പ്രിൻസിപ്പൽ ആയി ചുമതല ഏൽക്കുന്നതിനു മുൻപ് ഇദ്ദേഹം കേരളത്തിലെ വിദ്യാഭ്യാസ മേഖലയിൽ അനവധി നൂതന പരിഷ്കാരങ്ങൾക്ക് നേതൃത്വം നൽകിട്ടുണ്ട്. സി.ബി.എസ്.ഇ -യുടെ പരീക്ഷ നിരീക്ഷകനായും പരിശീലകനായും പ്രവർത്തിച്ചിട്ടുള്ള ഇദ്ദേഹം ഗൈഡൻസ് ആൻഡ് കൗൺസലിങ് രംഗത്തും തന്റേതായ വ്യക്തിമുദ്ര പതിപ്പിച്ചിട്ടുണ്ട്.
ഭാര്യ : ലതിക
