November 26, 2022
November 26, 2022
ന്യൂസ്‌റൂം ബ്യുറോ
ദോഹ പെരിയാര്‍ അടക്കം നീന്തിക്കടന്ന് റെക്കോര്‍ഡ് സൃഷ്ടിച്ച കോഴിക്കോട് കൊടുവള്ളി വെളിമണ്ണ സ്വദേശിയും ഭിന്നശേഷിക്കാരനുമായ ആസിം വെളിമണ്ണക്ക് ഇത് ധന്യനിമിഷം.ഖത്തർ ലോകകപ്പ് അംബാസിഡറും ലോകകപ്പ് ഉദ്ഘാടന വേദിയില്‍ ഹോളിവുഡ് താരം മോര്‍ഗാന്‍ ഫ്രീമാനൊപ്പം പ്രത്യക്ഷപ്പെട്ട് താരശോഭയിലേക്ക് ഉയരുകയും ചെയ്ത ഗാനിം അല്‍ മുഫ്തയെ സന്ദര്‍ശിച്ചതിന്റെ ആവേശത്തിലാണ് ആസിം.
ലോകകപ്പ് ദിവസങ്ങൾക്ക് മുമ്പ് ദോഹയിലെത്തിയ ആസിം. ഗാനിമിനെ കാണാന്‍ ആഗ്രഹം പ്രകടിപ്പിച്ചിരുന്നു.
ലോകകപ്പ് അംബാസഡര്‍മാരില്‍ ഒരാളായ അല്‍ മുഫ്ത, ഖത്തറിലെ പ്രശസ്ത യുട്യൂബറും സംരംഭകനും മോട്ടിവേഷന്‍ സ്പീക്കറുമാണ്. ശാരീരിക വെല്ലുവിളികളെ പുഞ്ചിരിയോടെ നേരിട്ട് കഠിന പ്രയത്‌നത്തിലൂടെ ജീവിതത്തില്‍ നേട്ടങ്ങളൊന്നായി കീഴടക്കുന്നയാളാണ് ഗാനിം.
ആസിമും ഒട്ടേറെ വെല്ലുവിളികളെ നേരിട്ട് മുന്നേറുന്ന വിദ്യാര്‍ഥിയാണ്. നിരവധി റെക്കോര്‍ഡുകള്‍ സൃഷ്ടിച്ചിട്ടുണ്ട് ആസിം.പ്രത്യേക ക്ഷണപ്രകാരമാണ് ഗാനിമിനെ കാണാന്‍ എത്തിയതെന്ന് ആസിം ഫേസ്ബുക്കില്‍ കുറിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക
