December 07, 2019
December 07, 2019
ദോഹ : മിസൈമിർ ഇന്റർചേഞ്ചിലെ രണ്ടാമത്തെ തുരങ്കപാത പൊതുമരാമത്ത് വിഭാഗമായ അശ്ഗാൽ ഗതാഗതത്തിനായി തുറന്നു. ഒരു കിലോമീറ്റർ ദൈർഘ്യമുള്ള തുരങ്കപാത ഇ റിങ് റോഡിൽ നിന്ന് വ്യവസായ മേഖലയിലേക്കുള്ള ഗതാഗതം സുഗമമാക്കും. അടിപ്പാതയിൽ ഒരേഭാഗത്തെ രണ്ടു ലൈനുകളും എമർജൻസി ലൈനുമാണുള്ളത്. മണിക്കൂറിൽ നാലായിരം വാഹനങ്ങൾക്ക് ഇതുവഴി കടന്നുപോകാനാകും.
ഇ റിങ് റോഡിനും റൗദത്തുൽ ഖൈൽ സ്റ്റ്രീറ്റിനുമിടയിലെ ആദ്യ അടിപ്പാത കഴിഞ്ഞ മാസം ആദ്യം അശ്ഗാൽ ഗതാഗതത്തിനായി തുറന്നിരുന്നു. ഇന്റർചേഞ്ചുകളിൽ നിലവിൽ ഒൻപത് അടിപ്പാതകളുടെ നിർമാണമാണ് പുരോഗമിക്കുന്നത്. ഇതിൽ രണ്ടെണ്ണം കൂടി ഉടൻ തുറക്കുമെന്നും അശ്ഗാൽ അറിയിച്ചു. നവംബറിൽ ആദ്യ അടിപ്പാത തുറന്നതിന് ശേഷം മിസൈമിർ ഇന്റർചേഞ്ചിലെ രണ്ടാമത്തെ വികസന നേട്ടമാണിതെന്ന് എഞ്ചിനിയർ ഹസൻ അൽ ഗാനിം പറഞ്ഞു.പദ്ധതിയിട്ടതിനും ആറു മാസം മുമ്പാണ് പണി പൂർത്തിയാക്കി പാത ഗതാഗതത്തിനായി തുറന്നത്.
