December 03, 2021
December 03, 2021
ഫിഫ അറബ് കപ്പിലെ തങ്ങളുടെ രണ്ടാം മത്സരത്തിനിറങ്ങിയ ഖത്തറിന് ത്രസിപ്പിക്കുന്ന ജയം. ഒമാനെ നേരിടാൻ ഇറങ്ങിയ ആതിഥേയർ അവസാനമിനിറ്റിലെ ഗോളിലൂടെയാണ് ഒന്നിനെതിരെ രണ്ട് ഗോളുകളുടെ വിജയം സ്വന്തമാക്കിയത്. ആദ്യമത്സരത്തിലും വിജയിച്ച ഖത്തറിന് ഇറാഖുമായാണ് ഗ്രൂപ്പ് ഘട്ടത്തിലെ ശേഷിക്കുന്ന മത്സരം. ഇതിൽ തോറ്റാൽ പോലും ടീം ക്വാർട്ടർ ഫൈനലിലേക്ക് മുന്നേറും.
32 ആം മിനിറ്റിൽ അക്രം അഫീഫ് പെനാൽറ്റിയിലൂടെ നേടിയ ഗോളിന് ഖത്തറാണ് മത്സരത്തിൽ ലീഡെടുത്തത്. ഇടവേളയ്ക്ക് ശേഷം ഖാലിദ് ഖലീഫ അൽ ഹജ്‌രിയിലൂടെ ഒമാൻ തിരിച്ചടിക്കുകയായിരുന്നു. ഇഞ്ചുറി ടൈമിന്റെ അവസാനമിനിറ്റിൽ ഒമാൻ താരം ഫഹ്മി ദർബൈൻ സ്വന്തം വലയിൽ പന്തെത്തിച്ചതോടെ മത്സരം ഖത്തർ വിജയിക്കുകയായിരുന്നു. പന്ത് ഗോൾവര കടന്നോ എന്ന സംശയത്തിനൊടുവിൽ വീഡിയോ റെഫറൽ സംവിധാനത്തിലൂടെയാണ് ഗോൾ അനുവദിച്ചുനൽകിയത്. അവസാനഗ്രൂപ്പ് മത്സരത്തിൽ ബഹ്‌റൈൻ ആണ് ഒമാന്റെ എതിരാളികൾ. ഓരോ ഗ്രൂപ്പിൽ നിന്നും രണ്ട് ടീമുകളാണ് ക്വാർട്ടർഫൈനലിലേക്ക് മുന്നേറുക.
