August 01, 2021
August 01, 2021
ദോഹ: ടോക്കിയോ ഒളിംപിക്‌സില്‍ ഖത്തറിന് രണ്ടാം സ്വര്‍ണം. ഹൈജംപിൽ ഗംഭീര പ്രകടനം കാഴ്ചവെച്ച മുതാസ് ബര്‍ഷിമിലൂടെയാണ് ഖത്തർ രണ്ടാം തവണയും സ്വർണക്കുതിപ്പ് നടത്തിയത്.ഇറ്റാലിയന്‍ താരം ഗിയാന്‍മാര്‍ക്കോ തംബേരിയുമായി ബര്‍ഷിം സ്വര്‍ണം പങ്കുവെക്കുകയായിരുന്നു. പിഴവ് കൂടാതെ 2.37 മീറ്റര്‍ ചാടിയ ഇരുവര്‍ക്കും 2.39 മീറ്റര്‍ മറികടക്കാനായില്ല.ജമ്പ് ഓഫിന് പകരം സ്വര്‍ണം പങ്കിട്ടെടുക്കുന്നതിന് ഇരുവരും സമ്മതിക്കുകയായിരുന്നു.ഇതിനു മുമ്പ് രണ്ടു തവണ ബര്‍ഷിം ലോക ചാമ്പ്യനായിട്ടുണ്ട്.
കടുത്ത മല്‍സരത്തിനൊടുവില്‍ ബെലാറസിന്റെ മാക്‌സിം നെദാസെകാവു ബ്രോണ്‍സ് നേടി.
ചരിത്രത്തിൽ ആദ്യമായി ഒളിംപിക്സിൽ ഇന്നലെ ഖത്തർ സ്വർണം നേടിയിരുന്നു. വെയ്റ്റ് ലിഫ്റ്റിങ്ങിൽ ഫാരിസ് ഇബ്രാഹിമാണ് ടോക്കിയോവിൽ വെയിറ്റ് ലിഫ്റ്റിങ്ങിലൂടെ ആദ്യ സ്വർണം നേടിയത്.
