January 10, 2022
January 10, 2022
ഖത്തർ എയർവെയ്‌സ് യാത്രക്കാർക്ക് വൻ ആനുകൂല്യങ്ങൾ.ടിക്കറ്റ് നിരക്കിൽ 25 ശതമാനം വരെ ഇളവ്
ദോഹ : ഖത്തർ എയർവേയ്സിന്റെ ഇരുപത്തിയഞ്ചാം വാർഷികത്തോട് അനുബന്ധിച്ച് യാത്രക്കാർക്ക് ആകർഷകമായ നിരവധി ഓഫറുകൾ. ഇന്നുമുതൽ ജനുവരി 16 വരെ, ഒരാഴ്ച്ച നീണ്ടുനിൽക്കുന്ന ആഘോഷങ്ങളുടെ ഭാഗമായി ടിക്കറ്റ് നിരക്കിൽ ഇരുപത്തിയഞ്ച് ശതമാനം ഇളവ് ലഭിക്കും. 140 ലക്ഷ്യസ്ഥാനങ്ങളിലേക്കുള്ള ബിസിനസ്, ഇക്കോണമി ക്ലാസുകളിലെ ടിക്കറ്റുകൾക്കാണ് ഇളവ് ലഭിക്കുക.
ഇതിന് പുറമെ, ഹോട്ടൽ ബുക്കിംഗ്, സീറ്റ് തിരഞ്ഞെടുപ്പ്, വാടകയ്ക്ക് കാറെടുക്കാനുള്ള സംവിധാനം തുടങ്ങിയ എയർവേയ്സിന്റെ മറ്റ് സർവീസുകളിലും ഇളവുകളുണ്ട്. യാത്രക്കാർക്ക് അധിക ബാഗേജ് കൈവശം വെക്കാനുള്ള അനുമതി നൽകുമെന്നും ഖത്തർ എയർവേയ്‌സ് അധികൃതർ അറിയിച്ചു. ഖത്തർ എയർവേയ്സിന്റെ ലോയൽറ്റി പ്രോഗ്രാമായ 'പ്രിവിലേജ് ക്ലബ്ബിൽ ഭാഗമാവുന്നവർക്ക് 2500 ബോണസ് 'ക്യു മൈൽ' ലഭിക്കുമെന്നും ഖത്തർ എയർവേയ്‌സ് വ്യക്തമാക്കി. ഇതിനായി FLYQR22 എന്ന പ്രൊമോ കോഡ് ഉപയോഗിക്കണം. ഈ വർഷം നടക്കാനിരിക്കുന്ന ഫുട്ബോൾ ലോകകപ്പിനോട് അനുബന്ധിച്ച് ആരംഭിച്ച പ്രത്യേക പാക്കേജ് ആണ് 'പ്രിവിലേജ് ക്ലബ്ബ്'.
