September 15, 2021
September 15, 2021
ദോഹ :കസാക്കിസ്ഥാനിൽ നടക്കുന്ന ഏഷ്യൻ എയർ ഗൺ ചാമ്പ്യൻഷിപ്പിൽ ഖത്തറിന് രണ്ടാം മെഡൽ. 10 മീറ്റർ റൈഫിളിൽ സ്വർണം നേടിയ അമാൽ മുഹമ്മദ്‌ തന്നെയാണ് ഇത്തവണയും മെഡലിന് അവകാശിയായത്. 10 മീറ്റർ റണ്ണിങ് ടാർഗറ്റ് മിക്സഡ് ഇവന്റിലാണ് അമാൽ വെങ്കലം നേടിയത്.
വിവിധ ഏഷ്യൻ രാജ്യങ്ങളിൽ നിന്നായി നൂറ്റിഅൻപതോളം മികച്ച താരങ്ങൾ മാറ്റുരയ്ക്കുന്ന ടൂർണമെന്റിൽ സ്വപ്നസമാനമായ മുന്നേറ്റമാണ് അമാൽ നടത്തിയത്. ഇന്തോനേഷ്യ, കസാക്കിസ്ഥാൻ, അസർബൈജാൻ തുടങ്ങിയ രാജ്യങ്ങളിലെ താരങ്ങളുമായി അവസാനറൗണ്ടിൽ വീറോടെ പൊരുതിയ അമാൽ ടൈബ്രേക്കറിലൂടെയാണ് മൂന്നാം സ്ഥാനം സ്വന്തമാക്കിയത്. ഖത്തർ ടീമിലെ മറ്റ് രണ്ട് വനിതാ താരങ്ങളായ ഐഷ അൽ സുവൈദിയും ഷഹ്ദ് അൽ ദർവിഷും മികച്ച പ്രകടനം പുറത്തെടുത്തെങ്കിലും മെഡൽ നേടാൻ കഴിഞ്ഞില്ല. ടീമിനങ്ങൾ നടക്കാൻ ബാക്കി ഉള്ളതിനാൽ ഇനിയും മെഡലുകൾ നേടാമെന്ന പ്രതീക്ഷയിലാണ് ഖത്തർ.
