November 05, 2021
November 05, 2021
മുൻ ബാഴ്സലോണ ഇതിഹാസം സാവി ഹെർണാണ്ടസ് പരിശീലകവേഷത്തിൽ കറ്റാലൻ ക്ലബ്ബിലേക്ക് തിരികെയെത്തുന്നു. നിലവിൽ ഖത്തർ ലീഗിലെ അൽസദ്ദിന്റെ പരിശീലകനായ സാവി ടീം വിടാൻ തീരുമാനിച്ചെന്ന വാർത്ത ക്ലബ് തന്നെയാണ് ട്വിറ്ററിലൂടെ ഔദ്യോഗികമായി അറിയിച്ചത്.
ടീമിന്റെ നിരാശാജനകമായ പ്രകടനത്തെ തുടർന്ന് കൂമാനെ പുറത്താക്കിയതിന് പിന്നാലെയാണ് ബാഴ്സലോണ സാവിക്ക് വേണ്ടി രംഗത്ത് വന്നത്. സാവിക്ക് കീഴിൽ അൽ സദ്ദ് മിന്നും പ്രകടനമാണ് ഖത്തർ ലീഗിൽ കാഴ്ചവെക്കുന്നത്. കരാർ കാലാവധി തീരുന്നതിന് മുൻപ് ജോലി രാജിവെക്കുന്നതിനാൽ അൽ സദ്ദ് ക്ലബിന് സാവി പിഴ നൽകേണ്ടി വരുമെന്നും സൂചനയുണ്ട്. ബാഴ്‌സലോണയുമായി തുടർന്നും സഹകരിക്കുമെന്ന് പ്രഖ്യാപിച്ച അൽ സദ്ദ്, സാവി ക്ലബ്ബിന് നൽകിയ സംഭാവനകൾക്ക് നന്ദി അറിയിക്കാനും മറന്നില്ല.
