Breaking News
സൗദി അറേബ്യയില്‍ കടുത്ത ചൂട് നിയന്ത്രിക്കാന്‍ ക്ലൗഡ് സീഡിംഗ് നടത്തുമെന്ന് റിപ്പോര്‍ട്ട് | മലപ്പുറം പുളിക്കല്‍ സ്വദേശി റിയാദില്‍ നിര്യാതനായി  | അമ്പതിന്റെ നിറവിൽ ഖത്തർ എം.ഇ.എസ് ഇന്ത്യൻ സ്‌കൂൾ,ആഘോഷ പരിപാടികൾ ഒരു വർഷം നീണ്ടുനിൽക്കും  | ഒമാനില്‍ ചൂതാട്ടം നടത്തിയ പ്രാവസി സംഘം പിടിയിലായി | പെരുമ്പാവൂര്‍ ജിഷ കേസില്‍ പ്രതി കഴുമരത്തിലേക്ക്; വധശിക്ഷ ഹൈക്കോടതി ശരിവെച്ചു | ഖത്തറില്‍ പകല്‍സമയത്ത് താപനില ഉയരാന്‍ സാധ്യത | ഇറാന്‍ പ്രസിഡന്റിന്റെ മരണത്തില്‍ ഖത്തര്‍ അമീര്‍ അനുശോചിച്ചു | സൗദിയില്‍ ചില വാഹനങ്ങളുടെ ഇറക്കുമതി താല്‍ക്കാലികമായി നിരോധിച്ചു | പ്രസിഡന്റും വിദേശകാര്യമന്ത്രിയും കൊല്ലപ്പെട്ട ഇറാനിൽ മുഹമ്മദ് മൊഖ്ബർ താൽക്കാലിക പ്രസിഡന്റാവും | ഇറാൻ പ്രസിഡന്റ് ഇബ്രാഹിം റെയ്‌സി ഹെലികോപ്റ്റർ അപകടത്തിൽ കൊല്ലപ്പെട്ടു |
ഇന്ത്യയിൽ തേടിയെത്തിയ തന്നോട് ക്രിമിനലിനെ പോലെ പെരുമാറിയെന്ന് അഫ്ഗാനിലെ മുൻ എം.പി റംഗീന കാർഗർ

August 26, 2021

August 26, 2021

ന്യൂഡൽഹി : അഫ്ഗാനിസ്ഥാനിൽ നിന്നും അഭയം തേടി ഇന്ത്യയിൽ വിമാനമിറങ്ങിയ തന്നെ അധികൃതർ അതേ വിമാനത്തിൽ തന്നെ ഇസ്താംബുളിലേക്ക് തിരിച്ചയച്ചതായി അഫ്ഗാനിസ്ഥാനിലെ വനിതാ എം.പി റംഗീന കാർഗർ.. മതിയായ കാരണം പോലും ബോധിപ്പിക്കാതെ തന്നെ തിരിച്ചയച്ചത് വിശ്വസിക്കാനാവുന്നില്ലെന്നും, മഹാത്മഗാന്ധിയുടെ മണ്ണിൽ നിന്നും ഇത്തരം ഒരു അനുഭവം ഒട്ടും പ്രതീക്ഷിച്ചിരുന്നില്ലെന്നും റംഗീന കൂട്ടിച്ചേർത്തു.അഫ്ഗാൻ ഭരണം താലിബാൻ പിടിച്ചെടുത്തതിന് ശേഷം ഓഗസ്റ്റ് 20 നാണ് ഇവർ ഫ്‌ളൈദുബായ് വിമാനത്തിൽ ഇസ്‌താംബൂളിൽ നിന്ന് ഡൽഹിയിലെ ഇന്ദിരാഗാന്ധി വിമാനത്താവളത്തിൽ ഇറങ്ങിയത്.

"നയതന്ത്രപാസ്പോർട്ട് സ്വന്തമായുള്ളതിനാൽ മുമ്പ്  വിവിധ ആവശ്യങ്ങൾക്കായി ഇന്ത്യയിൽ വന്നിട്ടുണ്ട്, അന്നൊന്നും നേരിടേണ്ടി വന്നിട്ടില്ലാത്ത പരിശോധനയാണ് ഇത്തവണ നേരിട്ടത്. രണ്ട് മണിക്കൂറോളം നീണ്ടുനിന്ന അനിശ്ചിതത്വത്തിന് ശേഷം എന്നോട് തിരിച്ചുപോവാൻ ആവശ്യപ്പെടുകയായിരുന്നു.ഒരു ക്രിമിനലിനോടെന്ന പോലെയാണ് അവർ എന്നോട് പെരുമാറിയത്.", - റംഗീന മാധ്യമങ്ങളെ അറിയിച്ചു. അഫ്ഗാൻ വിഷയത്തിൽ ഇന്ത്യക്ക് ചെയ്യാൻ കഴിയുന്നതൊക്കെ ചെയ്യുമെന്ന ഇന്ത്യൻ വിദേശകാര്യമന്ത്രി ജയ്ശങ്കറിന്റെ പ്രസ്താവനയ്ക്ക് പിന്നാലെയാണ് റംഗീന കാർഗറിന് ഈ ദുരനുഭവമുണ്ടായത്.

ന്യൂസ്‌റൂം വാർത്തകൾ മുടങ്ങാതെ ലഭിക്കാൻ  0097466200167 എന്ന വാട്സ്ആപ് നമ്പറിലേക്ക് സന്ദേശമയക്കുക


Latest Related News