May 05, 2023
May 05, 2023
ന്യൂസ്‌റൂം ബ്യുറോ
ദോഹ : തണ്ണിമത്തനില്‍ ഒളിപ്പിച്ച് ഖത്തറിലേക്ക് കടത്താന്‍ ശ്രമിച്ച 90 കിലോ ഹഷിഷ് കസ്റ്റംസ് അധികൃതര്‍ പിടികൂടി. ജനറല്‍ അതോറിറ്റി ഓഫ് കസ്റ്റംസിന്റെ സഹായത്തോടെ ജനറല്‍ ഡയറക്ടറേറ്റ് ഓഫ് ഡ്രഗ് എന്‍ഫോഴ്‌സ്‌മെന്റാണ് തണ്ണിമത്തൻ ലോഡിനൊപ്പം കടത്താൻ ശ്രമിച്ച മയക്കുമരുന്ന് പിടികൂടിയത്.
ആഫ്രിക്കന്‍, ഏഷ്യന്‍ രാജ്യങ്ങളില്‍ നിന്നുള്ള നാല് പ്രതികളെ അറസ്റ്റ് ചെയ്തിട്ടുണ്ട്. ഇവരെ തുടർനടപടികൾക്കായി പബ്ലിക് പ്രോസിക്യൂഷന് കൈമാറിയതായി ആഭ്യന്തര മന്ത്രാലയം ട്വീറ്റ് ചെയ്തു.
കഴിഞ്ഞ ദിവസം ഹമദ് അന്താരാഷ്ട്ര വിമാനത്താവളത്തിലൂടെ കടത്താന്‍ ശ്രമിച്ച 4.9 കിലോഗ്രാം ഹഷിഷ് കസ്റ്റംസ് പിടികൂടിയിരുന്നു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL
