June 22, 2020
June 22, 2020
ദോഹ : ഖത്തറിൽ നിന്നും മലയാളികളുടെ തിരിച്ചു പോക്കിന് തുടക്കമായ ശേഷം ഒരു ദിവസം ഏറ്റവും കൂടുതൽ ചാർട്ടേഡ് വിമാനങ്ങൾ നാട്ടിലേക്കയച്ച് ഖത്തർ കെ.എം.സി.സി പ്രവാസി മലയാളികൾക്ക് തുണയായി. കെ.എം.സി.സി ഒരുക്കിയ നാല് വിമാനങ്ങളാണ് തിങ്കളാഴ്ച കേരളത്തിലെ വിവിധ വിമാനത്താവളങ്ങളിലേക്ക് യാത്ര തിരിച്ചത്.ഇതാദ്യമായാണ് ഖത്തറിൽ നിന്നും ഒരു പ്രവാസി സംഘടന ഇത്രയധികം യാത്രക്കാരെ നാട്ടിലേക്കയക്കുന്നത്.
രാവിലെ 5.30ന് കോഴിക്കോട് വിമാനം, 6.30ന് കൊച്ചി, പത്തിന് കണ്ണൂര്, 11.45ന് തിരുവനന്തപുരം വിമാനങ്ങളാണ് പുറപ്പെട്ടത്. 28 കുഞ്ഞുങ്ങളടക്കം ആകെ 672 യാത്രക്കാർ ഈ വിമാനങ്ങളിലേക്ക് നാട്ടിലേക്ക് മടങ്ങി.. എല്ലാവിമാനത്തിലും 168 യാത്രക്കാര് വീതമാണുള്ളത്. അര്ഹരായ 50 പേരെ പൂര്ണമായും സൗജന്യമായാണ് നാട്ടിലെത്തിക്കുന്നതെന്ന് ബന്ധപ്പെട്ടവര് അറിയിച്ചു.
കെ.എം.സി.സിസംസ്ഥാന നേതാക്കളടക്കം വിമാനത്താവളത്തില് യാത്രയയക്കാന് എത്തിയിരുന്നു. നാദാപുരം മണ്ഡലം കമ്മിറ്റി യാത്രക്കാര്ക്ക് സുരക്ഷാകിറ്റുകള് നല്കി.അടുത്ത ദിവസങ്ങളിലും വിവിധ പഞ്ചായത്ത് ,മണ്ഡലം,സ്റ്റേറ്റ് കമ്മറ്റികളുടെ ഒരു ഡസനോളം വിമാനങ്ങളാണ് കെ.എം.സി.സി നാട്ടിലേക്കയക്കുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക