December 20, 2022
December 20, 2022
ന്യൂസ്‌റൂം ബ്യുറോ
ദോഹ : വാഹനങ്ങളിലെ ദേശീയദിന സ്റ്റിക്കറുകൾ മൂന്നുദിവസത്തിനകം നീക്കം ചെയ്യണമെന്ന് ഖത്തർ ഗതാഗതവിഭാഗം.ട്രാഫിക് കമ്മ്യൂണിക്കേഷൻ ആൻഡ് ഇൻഫർമേഷൻ ഓഫീസ് ഓഫീസർ ഫസ്റ്റ് ലെഫ്റ്റനന്റ് ഫഹദ് മുബാറക് അൽ-അബ്ദുല്ലയാണ് ഇക്കാര്യം അറിയിച്ചത്.ഡിസംബർ 15 മുതൽ 21 വരെ മാത്രമാണ് ദേശീയ ദിനാഘോഷങ്ങൾക്ക് അനുവദിച്ച കാലയളവെന്നും ഖത്തർ റേഡിയോയിലെ 'പോലീസ് വിത്ത് യു' പരിപാടിയിൽ അദ്ദേഹം വ്യക്തമാക്കി.
ദേശീയ ദിനത്തിന്(ഡിസംബർ 18) ശേഷം 3 ദിവസത്തെ ഗ്രേസ് പിരീഡ് അനുവദിച്ചിരുന്നുഇക്കാലയളവിൽ വാഹനങ്ങളിൽ പതിച്ച സ്റ്റിക്കറുകളും അലങ്കാരങ്ങളും നീക്കം ചെയ്ത് പൂർവ സ്ഥിതിയിലാക്കാൻ സാവകാശം ലഭിക്കുമെന്നും അദ്ദേഹം കൂട്ടിച്ചേർത്തു.
ദേശീയദിനാഘോഷങ്ങളുടെ ഭാഗമായി ഖത്തറിലെ പൗരന്മാരും താമസക്കാരും ദേശീയ പതാകയുടെ നിറവും ദേശീയ ചിഹ്നങ്ങളും പതിപ്പിച്ച് വാഹനങ്ങൾ മോടി പിടിപ്പിക്കുന്നത് പതിവാണ്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HHOGGyLPTMH45QRaxZQRyz എന്ന ലിങ്കിൽ ജോയിൻ ചെയ്യുക
