Breaking News
ഒമാനില്‍ സര്‍ക്കാര്‍ വെബ്‌സൈറ്റുകള്‍ക്ക് സമാനമായ വ്യാജ സൈറ്റുകള്‍ പ്രവര്‍ത്തിക്കുന്നുണ്ടെന്ന് മുന്നറിയിപ്പ് | അബുദാബിയിൽ ജീവനുള്ള കോഴിയെ വിറ്റ സൂപ്പർ മാർക്കറ്റ് അടച്ചുപൂട്ടി  | സൗദി അറേബ്യയില്‍ കടുത്ത ചൂട് നിയന്ത്രിക്കാന്‍ ക്ലൗഡ് സീഡിംഗ് നടത്തുമെന്ന് റിപ്പോര്‍ട്ട് | മലപ്പുറം പുളിക്കല്‍ സ്വദേശി റിയാദില്‍ നിര്യാതനായി  | അമ്പതിന്റെ നിറവിൽ ഖത്തർ എം.ഇ.എസ് ഇന്ത്യൻ സ്‌കൂൾ,ആഘോഷ പരിപാടികൾ ഒരു വർഷം നീണ്ടുനിൽക്കും  | ഒമാനില്‍ ചൂതാട്ടം നടത്തിയ പ്രാവസി സംഘം പിടിയിലായി | പെരുമ്പാവൂര്‍ ജിഷ കേസില്‍ പ്രതി കഴുമരത്തിലേക്ക്; വധശിക്ഷ ഹൈക്കോടതി ശരിവെച്ചു | ഖത്തറില്‍ പകല്‍സമയത്ത് താപനില ഉയരാന്‍ സാധ്യത | ഇറാന്‍ പ്രസിഡന്റിന്റെ മരണത്തില്‍ ഖത്തര്‍ അമീര്‍ അനുശോചിച്ചു | സൗദിയില്‍ ചില വാഹനങ്ങളുടെ ഇറക്കുമതി താല്‍ക്കാലികമായി നിരോധിച്ചു |
ഖത്തറിൽ 238 പേർക്ക് കൂടി കോവിഡ് 19 സ്ഥിരീകരിച്ചു,രാജ്യം അതീവ ജാഗ്രതയിൽ 

March 12, 2020

March 12, 2020

ദോഹ : ഖത്തറിൽ  കൂടുതൽ ആശങ്ക പടർത്തി 238 പേർക്ക് കൂടി പുതുതായി  കോവിഡ് 19 വൈറസ് ബാധ സ്ഥിരീകരിച്ചു.പൊതുജനാരോഗ്യമന്ത്രാലയമാണ് ഇക്കാര്യം അറിയിച്ചത്.ഇതോടെ രാജ്യത്ത് വൈറസ് ബാധ സ്ഥിരീകരിച്ചവരുടെ എണ്ണം 262 ആയി..പുതുതായി രോഗം ബാധിച്ച മുഴുവൻ പേരും പ്രവാസികളാണെന്നും ഒരേ താമസ കേന്ദ്രത്തിൽ നിന്നുള്ളവരാണെന്നും പൊതുജനാരോഗ്യ മന്ത്രാലയം അറിയിച്ചു.കഴിഞ്ഞ ഞായറാഴ്ച രോഗം സ്ഥിരീകരിച്ച മൂന്നു പേരിൽ നിന്നുമാണ് ഇത്രയും ഉയർന്ന തോതിൽ രോഗബാധ പടർന്നുപിടിച്ചതെന്നും അധികൃതർ വ്യക്തമാക്കി. ഇന്നലെ വരെ ഖത്തറിൽ 24 പേരിൽ മാത്രമാണ് രോഗബാധ സ്ഥിരീകരിച്ചിരുന്നത്. 

പുതുതായി രോഗം ബാധിച്ചവർ നേരത്തെ വൈറസ് ബാധയേറ്റ മൂന്നു വിദേശികളുമായി സമ്പർക്കം പുലർത്തിയവരാണ്. ഇവർ ഒരേ റെസിഡൻഷ്യൽ കോംപ്ലക്സിൽ താമസിച്ചിരുന്നവരുമാണ്.തുടക്കത്തിൽ സ്വദേശികളിൽ മാത്രം സ്ഥിരീകരിച്ചിരുന്ന കോവിഡ് 19 പ്രവാസി സമൂഹത്തിൽ കൂടി വ്യാപകമായതോടെ ആശങ്ക വർധിച്ചിരിക്കുകയാണ്. വൈറസ് വ്യാപനത്തിന്റെ പശ്ചാത്തലത്തിൽ ഇന്ത്യ ഉൾപെടെ 14 രാജ്യങ്ങളിൽ നിന്നുള്ളവർക്ക് ഖത്തർ യാത്രാവിലക്ക് ഏർപെടുത്തിയിട്ടുണ്ട്. പുതിയ സാഹചര്യത്തിൽ വിലക്ക് ഇനിയും ഏറെക്കാലം തുടരാനാണ് സാധ്യത.


Latest Related News