October 23, 2022
October 23, 2022
ന്യൂസ്‌റൂം ബ്യുറോ
ദോഹ :ഈ വർഷത്തെ ഖത്തർ ദേശീയ ദിനാഘാഷങ്ങൾക്കുള്ള മുദ്രാവാക്യം സാംസ്കാരിക മന്ത്രി ഷെയ്ഖ് അബ്ദുൽറഹ്മാൻ ബിൻ ഹമദ് അൽ താനി പുറത്തിറക്കി. 'നമ്മുടെ ഐക്യമാണ് ശക്തിയുടെ ഉറവിടം'എന്നർത്ഥം വരുന്ന വഹ്ദതുന മസ്ദർ ഖുവാതിന എന്ന വാക്യത്തെ മുൻനിർത്തിയായിരിക്കും ഖത്തർ അതിന്റെ ചരിത്രത്തിലെ ഏറ്റവും സംഭവബഹുലമായ ദേശീയദിനം ആഘോഷിക്കുക.
കഴിഞ്ഞ ദിവസം ഉംസലാൽ മുഹമ്മദ് ഹെറിറ്റേജിൽ നടന്ന പരിപാടിയിലാണ് മുദ്രാവാക്യം പുറത്തിറക്കിയത്.
ശൂറ കൗൺസിലിന്റെ 50-ാമത് സെഷന്റെ ഉദ്ഘാടന വേളയിൽ ഖത്തർ അമീർ ശെയ്ഖ് തമീം ബിൻ ഹമദ് അൽതാനി നടത്തിയ പ്രസംഗത്തിൽ നിന്നുള്ള ഉദ്ധരണിയാണ് ഈ മുദ്രാവാക്യത്തിന് പ്രചോദനമായത്.
ലോകകപ്പ് ഫൈനൽ മത്സരങ്ങൾക്കിടെ നടക്കുന്ന ഇത്തവണത്തെ ഖത്തർ ദേശീയ ദിനം ലോകമെമ്പാടുമുള്ള ലക്ഷക്കണക്കിന് ഫുട്‍ബോൾ ആരാധകരെ സാക്ഷിയാക്കിയാണ് രാജ്യം ഇത്തവണ ആഘോഷിക്കുക.ഡിസംബർ 18 നാണ് ഖത്തർ ദേശീയ ദിനം.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക
