March 22, 2023
March 22, 2023
ന്യൂസ്‌റൂം ബ്യുറോ
ദോഹ:മൻസൂറയിലെ ബിൻ ദുർഹാം മേഖലയിൽ തകർന്ന കെട്ടിടത്തിൽ നിന്ന് 12 കുടുംബങ്ങളെ ഒഴിപ്പിച്ചതായി ആഭ്യന്തര മന്ത്രാലയം അറിയിച്ചു.തകർന്ന കെട്ടിടവും ചുറ്റുമുള്ള കെട്ടിടങ്ങളും ഒഴിപ്പിച്ചതായും 12 കുടുംബങ്ങളെ ഹോട്ടലിലേക്ക് മാറ്റിയതായും പാർപ്പിച്ചിട്ടുണ്ടെന്നും ആഭ്യന്തര മന്ത്രാലയത്തിലെ ബ്രിഗേഡിയർ ജനറൽ അബ്ദുല്ല അൽ മുഫ്ത അറിയിച്ചു.ഖത്തർ ടെലിവിഷന് നൽകിയ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്.ബിൻ ദുർഹാമിലെ അൽ ഖുദ്രി സ്ട്രീറ്റിലുള്ള കെട്ടിടം തകർന്നതായി രാവിലെ കൃത്യം 8:33 ന് തങ്ങൾക്ക് വിവരം ലഭിച്ചതായും ഉടൻ തന്നെ ആംബുലൻസ്, ട്രാഫിക് പോലീസ്, അൽഫാസ, റെസ്ക്യൂ ടീമുകൾ അപകടസ്ഥലത്തെത്തിയതായും അൽ മുഫ്ത കൂട്ടിച്ചേർത്തു.
തകർന്ന കെട്ടിടത്തിൽ നിന്ന് 7 പേരെ രക്ഷപ്പെടുത്തിയിട്ടുണ്ട്. ഇവരെ ഉടൻ ആശുപത്രിയിലെത്തിച്ച് ആവശ്യമായ ചികിത്സ നൽകാൻ രക്ഷാപ്രവർത്തകർക്ക് കഴിഞ്ഞതായും അദ്ദേഹം വ്യക്തമാക്കി.അപകടത്തിൽ ഒരു മരണമാണ് ഇതുവരെ സ്ഥിരീകരിച്ചത്.
അപകടമുണ്ടാകാനിടയായ സാഹചര്യത്തെ കുറിച്ച് വിശദമായ അന്വേഷണം തുടങ്ങിയതായും ആഭ്യന്തര മന്ത്രാലയം വ്യക്തമാക്കി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva
