September 12, 2019
September 12, 2019
ഗോരഖ്പൂര്: ഉത്തർപ്രദേശിലെ ഗോരഖ്പൂരിൽ ഭര്ത്താവുമായി മൊബൈല് ഫോണില് സംസാരിക്കുന്നതിനിടെ യുവതി പാമ്പ് കടിയേറ്റ് മരിച്ചു. ഗോരഖ്പൂരിലെ റിയാന്വ് ഗ്രാമത്തില് കഴിഞ്ഞ ദിവസമായിരുന്നു ദാരുണമായ സംഭവം.
ഗീത എന്ന യുവതിയാണ് കിടപ്പുമുറിയില്വച്ച് പാമ്പ് കടിയേറ്റ് മരിച്ചത്. തായ്ലന്ഡില് ജോലിചെയ്യുന്ന ഭര്ത്താവ് ജയ്സിങ് യാദവുമായി മൊബൈല് ഫോണില് സംസാരിച്ച് കിടപ്പുമുറിയിലേക്ക് എത്തിയ ഗീത കട്ടിലില് കിടന്ന പാമ്പുകളുടെ മുകളിൽ അറിയാതെ ഇരിക്കുകയായിരുന്നു.പാമ്പ് കടിയേറ്റാണ് യുവതി മരിച്ചത്.ഒന്നിലധികം പാമ്പുകളാണ് കിടക്കയിൽ ഉണ്ടായിരുന്നത്.
നിമിഷങ്ങള്ക്കം ബോധരഹിതയായ യുവതിയെ ബന്ധുക്കള് ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു. കിടപ്പുമുറിയില് കയറിക്കൂടിയ പാമ്പുകൾ ബെഡ്ഷീറ്റിന്റെ നിറം കാരണം ഗീതയുടെ ശ്രദ്ധയില്പ്പെട്ടുകാണില്ലെന്നാണ് ബന്ധുക്കൾ പറയുന്നത്.
ഗീതയ്ക്ക് കടിയേറ്റ ശേഷവും പാമ്പുകൾ കിടക്കയില് തന്നെ ഉണ്ടായിരുന്നതായും ബന്ധുക്കള് പറഞ്ഞു. ആശുപത്രിയില്നിന്ന് തിരികെ എത്തിയ ബന്ധുക്കളും അയല്വാസികളും ചേര്ന്ന് പാമ്പുകളെ അടിച്ചുകൊന്നു.