April 18, 2023
April 18, 2023
ന്യൂസ്‌റൂം ബ്യൂറോ
മസ്‌കത്ത്: വാഹനാപകടത്തെ തുടര്‍ന്ന് എറണാകുളം കളമശ്ശേരി സ്വദേശി ദര്‍ശന്‍ ശ്രീ നായര്‍(39) മരിച്ചു. ഇന്ന് രാവിലെ ഹൈവേയില്‍ റഫോക്കിന് സമീപമായിരുന്നു അപകടം. ഇദ്ദേഹം ഓടിച്ചിരുന്ന വാഹനം പോസ്റ്റില്‍ ഇടിക്കുകയായിരുന്നു എന്നാണ് പ്രാഥമിക വിവരം. സലാലയിലെ സ്വകാര്യ കമ്പനിയില്‍ സൂപ്പര്‍വൈസറായി ജോലി ചെയ്ത് വരികയായിരുന്നു ദര്‍ശന്‍ ശ്രീ നായര്‍. സുല്‍ത്താന്‍ ഖാബൂസ് അശുപത്രിയില്‍ സൂക്ഷിച്ചിരിക്കുന്ന മൃതദേഹം നിയമനടപടികള്‍ക്കുശേഷം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു. ഭാര്യ അനിത, സലാലയില്‍ ആരോഗ്യ മന്ത്രാലയത്തില്‍ നഴ്‌സ് ആയി ജോലി ചെയ്തുവരികയാണ്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
