April 08, 2023
April 08, 2023
ന്യൂസ്റൂം ബ്യൂറോ
മസ്കത്ത്: ഖസബ് തുറമുഖത്ത് ബോട്ടുകള്ക്ക് തീ പിടിച്ച് ഒരാള് മരിച്ചു. 9 പേര്ക്ക് പരിക്കേറ്റു. തീ പിടിത്തത്തിന്റെ കാരണം വ്യക്തമല്ല.
തുറമുഖ തീരത്ത് നിര്ത്തിയിട്ടിരുന്ന ബോട്ടില് തീ പിടിക്കുകയായിരുന്നു. പിന്നീട് മറ്റു രണ്ട് ബോട്ടുകളിലേക്ക് വ്യാപിക്കുകയായിരുന്നുവെന്ന് സിവില് ഡിഫന്സ് ആന്ഡ് ആംബുലന്സ് വിഭാഗം അറിയിച്ചു. അഗ്നിശമന സേനയെത്തിയാണ് തീ പൂര്ണമായും അണച്ചത്.
മൃതദേഹം മോര്ച്ചറിയിലേക്ക് മാറ്റി. പ്രാഥമിക ചികിത്സയ്ക്കുശേഷം പരിക്കേറ്റവരെ വിദഗ്ധ ചികിത്സക്കായി ആശുപത്രിയിലേക്ക് മാറ്റി. അപകടത്തില്പ്പെട്ടവരെ കുറിച്ചുള്ള വിവരങ്ങള് ലഭ്യമായിട്ടില്ല.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI