May 07, 2022
May 07, 2022
മസ്കത്ത് : ലോകകപ്പ് കാണാൻ ഖത്തറിലെത്തുന്ന ആരാധകർക്കായി ഒമാൻ വിപുലമായ പദ്ധതികൾ ആവിഷ്കരിക്കുന്നു.ഫിഫാ കാർഡ് കൈവശമുള്ളവർക്ക് വിസയില്ലാതെ തന്നെ ഒമാൻ സന്ദർശിക്കാൻ അവസരമൊരുക്കുമെന്ന് ഒമാൻ എയർപോർട്ട് സി.ഇ.ഒ ശെയ്ഖ്ഗ് അയ്മൻ അൽ ഹോസനി അറിയിച്ചു.ലോകകപ്പ് മത്സരങ്ങൾ കാണുന്നതിനുള്ള ഫിഫാ കാർഡ് ഓമനിലേക്കുള്ള എൻട്രി വിസയായി കണക്കാക്കുമെന്നും പ്രാദേശിക പത്രത്തിന് നൽകിയ അഭിമുഖത്തിൽ അദ്ദേഹം പറഞ്ഞു.
ഒമാനും ദോഹക്കുമിടയിൽ കുറഞ്ഞ നിരക്കിൽ വിമാന സർവീസുകൾ ഏർപെടുത്തും.ലോകകപ്പ് വേളയിൽ ഇരു രാജ്യങ്ങൾക്കുമിടയിലെ പ്രതിദിന വിമാന സർവീസുകളുടെ എണ്ണം ഗണ്യമായി വർധിപ്പിക്കാനും തീരുമാനിച്ചിട്ടുണ്ട്..ഒമാനിലെ ഹോട്ടലുകളിൽ താമസിച്ച് ലോകകപ്പ് കാണാൻ ഖത്തറിൽ പോകാൻ കഴിയുന്ന തരത്തിൽ സൗകര്യമൊരുക്കുമെന്നും ശെയ്ഖ്ഗ് അയ്മൻ അൽ ഹോസനി അഭിമുഖത്തിൽ വ്യക്തമാക്കി.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക