August 30, 2021
August 30, 2021
മസ്കത്ത് : ഒമാനിലെ വടക്കൻ ബാത്തിന ഗവർണറേറ്റിലുള്ള സൊഹാർ ഡാമിൽ വീണ് രണ്ട് പേർ മരിച്ചു. മരിച്ച രണ്ട് പേരും സ്വദേശി പൗരൻമാരാണ്. വാദി അൽ ഖാദ് ഡാമിലാണ് അപകടമുണ്ടായത്. രാജ്യത്ത് കഴിഞ്ഞ ഏതാനും ദിവസങ്ങളിലായി കനത്ത മഴ തുടരുന്നതിനാൽ പല മേഖലകളിലും വലിയ വെള്ളക്കെട്ടുകൾ രൂപം കൊണ്ടിട്ടുണ്ട്. ഇത്തരം വെള്ളക്കെട്ടുകളിൽ (വാദികൾ) യാതൊരു വിധ സുരക്ഷാ മുൻ കരുതലുകളുമില്ലാതെ ഇറങ്ങുന്നതിനാൽ ആണ് അപകടങ്ങൾ സംഭവിക്കുന്നത്. പബ്ലിക് അതോറിറ്റി ഫോർ സിവിൽ ഡിഫൻസ് ആൻഡ് ആംബുലൻസിന്റെ നേതൃത്വത്തിൽ ഇതുമായി ബന്ധപ്പെട്ട് വ്യാപക മുന്നറിയിപ്പുകൾ നൽകി വരികയാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ 66200167 എന്ന ഖത്തർ വാട്സ്ആപ് നമ്പറിലേക്ക് സന്ദേശം അയക്കുക