October 16, 2023
October 16, 2023
മസ്കത്ത്: അനുമതിയില്ലാതെ രാജകീയ ചിഹ്നങ്ങള് വാണിജ്യ സ്ഥാപനങ്ങളിലും സാമൂഹിക മാധ്യമങ്ങളിലും ഉപയോഗിക്കുന്നതിനെതിരെ വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയം മുന്നറിയിപ്പ് നല്കി. മന്ത്രാലയത്തിന്റെ പരിശോധനയില് രാജകീയ കിരീടത്തിന്റെ ലോഗോ ഉപയോഗിച്ചുള്ള ഉത്പന്നങ്ങള് പിടിച്ചെടുക്കുകയും ചെയ്തു.
രാജകീയ ചിഹ്നങ്ങള്, ഖഞ്ചര്, സുല്ത്താനേറ്റിന്റെ ഭൂപടം, ദേശീയ ചിഹ്നം, എന്നിവ ഉപയോഗിക്കുന്നതിന് മന്ത്രാലയത്തിന്റെ അനുമതി വേണം. വാണിജ്യ സ്ഥാപനങ്ങള്ക്ക് തങ്ങളുടെ ഉത്പ്പന്നങ്ങളിലോ പരസ്യങ്ങളിലോ രാജകീയ ചിഹ്നങ്ങള് ഉപയോഗിക്കണമെങ്കില് മന്ത്രാലയത്തിന്റെ ജനറല് ഡയറക്ടറേറ്റ് ഓഫ് കോമേഴ്സ് വിഭാഗത്തില് അപേക്ഷ സമര്പ്പിക്കണം. അപേക്ഷയോടൊപ്പം ഉത്പ്പന്നങ്ങളുടെയും പരസ്യത്തിന്റേയും മാതൃകകള് ഹാജരാക്കണമെന്നും മന്ത്രാലയം അറിയിച്ചു. വിവിധ ഗവര്ണറേറ്റുകളിലെ മന്ത്രാലയം ഡയറക്ടറേറ്റുകളിലും അപേക്ഷ സമര്പ്പിക്കാം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU