October 22, 2023
October 22, 2023
സലാല:ഒമാനിലെ സലാലയിൽ ഇന്ന് ചുഴലിക്കാറ്റിന് സാധ്യതയെന്ന് മുന്നറിയിപ്പ്. അറബിക്കടലില് രൂപം കൊണ്ട തേജ് ചുഴലിക്കാറ്റിന്റെ നേരിട്ടുള്ള ആഘാതമാണ് ഞായറാഴ്ച വൈകിട്ടോടെ സലാലയില് അനുഭവപ്പെടുക.ഈ സാഹചര്യത്തിൽ ആവശ്യമായ മുന്കരുതല് നടപടികള് സ്വീകരിക്കണമെന്ന് ഒമാൻ കാലാവസ്ഥാ വിഭാഗം (സി.എ.എ) നിര്ദേശിച്ചു.
ഇന്ത്യ നിർദ്ദേശിച്ച 'തേജ്' എന്നപേരിലായിരിക്കും ചുഴലിക്കാറ്റ് അറിയപ്പെടുക. പടിഞ്ഞാറ്-വടക്കുപടിഞ്ഞാറായി ദോഫാർ ഗവർണറേറ്റിന്റെയും യമനിന്റെയും തീരങ്ങളിലേക്ക് കാറ്റ് ഇപ്പോള് നീങ്ങുകയാണ്. 330 കിലോമീറ്റര് വിസ്ത്രിതിയില് വീശുന്ന ചുഴലികാറ്റിന്റെ കേന്ദ്ര ഭാഗം സലാല തീരത്ത് നിന്ന് 700 കിലോമീറ്റര് അകലെയാണുള്ളത്. എന്നാല് മഴ മേഘങ്ങൾ 360 കിലോമീറ്റര് അടുത്തെയിട്ടുണ്ട് .
ഞായറാഴ്ച വൈകിട്ടോടെ കാറ്റിന്റെ നേരിട്ടുള്ള പ്രത്യാഘാതങ്ങള് ദോഫാര് ഗവര്ണറേറ്റില് അനുഭവപ്പെടും. ചൊവ്വാഴ്ച രാവിലെയായിരിക്കും കേന്ദ്ര ഭാഗം തീരം തൊടുക. ദോഫാർ ഗവർണറേറ്റിനും യമനിലെ അൽ മഹ്റ ഗവർണറേറ്റിനും ഇടയിലൂടെ ഇത് കടന്നുപോകാൻ സാധ്യതയുണ്ടെന്ന് മുന്നറിയിപ്പിൽ പറയുന്നു.
വിവിധ ഇടങ്ങളിലായി തിങ്കളാഴ്ച 200 മുതൽ 600 മി.മീറ്റർവരെ മഴ ലഭിച്ചേക്കും. വാദികൾ കവിഞ്ഞൊഴുകും. 68 മുതൽ 125 കി.മീറ്റർ വേഗതയിലായിരിക്കും കാറ്റടിക്കുക. തിരമാലകൾ നാല് മുതൽ ഏഴ് മീറ്റർവരെ ഉയർന്നേക്കും. ചൊവ്വാഴ്ച രാവിലെ കരക്കെത്തുമ്പോള് കാറ്റിന്റെ വേഗത വീണ്ടും വര്ധിക്കാനാണ് സാധ്യതയെന്ന് സി.എ.എ മുന്നറിയിപ്പിൽ പറയുന്നു.
തേജ് ചുഴലിക്കാറ്റിന്റെ പശ്ചാത്തലത്തില് ദോഫാര് ഗവര്ണറേറ്റിലെ മുഴുവന് വിദ്യാഭ്യാസ സ്ഥപനങ്ങള്ക്കും ഞായര് തിങ്കള് ദിവസങ്ങളില് അവധി പ്രഖ്യാപിച്ചിട്ടുണ്ട്. 2018 ഒക്ടോബര് 13ന് അടിച്ച ലുബാന് ചുഴലിക്കാറ്റും അതേ വര്ഷ മെയ് 24 ന് അടിച്ച മെകനു ചുഴലിക്കാറ്റും സലാലയുടെ പടിഞ്ഞാറ് ഭാഗത്തും യമനിലും നാശം വിതച്ചിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F