February 12, 2024
February 12, 2024
മസ്കത്ത്: ഒമാനില് കനത്ത മഴ തുടരുന്ന പശ്ചാത്തലത്തില് നോര്ത്ത് ബത്തിന ഗവര്ണറേറ്റില് നിന്ന് 107 പേരെ ഒഴിപ്പിച്ചു. സിവില് ഡിഫന്സ് ആന്റ് ആംബുലന്സ് അതോറിറ്റിയാണ് ഇക്കാര്യം അറിയിച്ചത്. മഴയില് വെള്ളക്കെട്ട് രൂക്ഷമായതിന് പിന്നാലെയാണ് ആളുകളെ ഒഴിപ്പിച്ചത്. മഴയെത്തുടര്ന്ന് അല് ജബല് സ്ട്രീറ്റിലെ അഖബത്ത് അല് അമേറാത്ത റോഡ് അടച്ചു. മുന്കരുതലിന്റെ ഭാഗമായി റോഡിന്റെ ഇരുദിശകളിലും നിന്നുള്ള ഗതാഗതം തടഞ്ഞതായി നാഷണല് കമ്മിറ്റി ഫോര് എമര്ജന്സി മാനേജ്മെന്റ് അറിയിച്ചു.
അതേസമയം പ്രതികൂല കാലാവസ്ഥയെ തുടര്ന്ന് മാറ്റിവെച്ച ഔട്ട്പേഷ്യന്റ് ക്ലിനിക്കുകളിലേക്കുള്ള സന്ദര്ശനങ്ങള്, അടിയന്തരമല്ലാത്ത അപ്പോയിന്മെന്റുകള്, ലബോറട്ടറികളിലെ പരിശോധന, മറ്റ് ആരോഗ്യ സേവനങ്ങള് ഉള്പ്പെടെയുള്ള 25,000ത്തിലധികം അപ്പോയിന്റ്മെന്റുകള് ആരോഗ്യ മന്ത്രാലയം പുനഃക്രമീകരിച്ചിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F