December 16, 2023
December 16, 2023
ന്യൂഡൽഹി: ഒമാൻ ഭരണാധികാരി സുൽത്താൻ ഹൈതം ബിൻ താരിഖിനെ ഇന്ത്യൻ രാഷ്ട്രപതി ദ്രൗപതി മുർമുവും പ്രധാനമന്ത്രി നരേന്ദ്ര മോദിയും സ്വീകരിച്ചു. രാഷ്ട്രപതിഭവനിൽ പ്രൗഢ ഗംഭീര വരവേൽപ്പാണ് ഒമാൻ സുൽത്താന് നൽകിയത്. പ്രസിഡന്റ് ദ്രൗപതി മുർമുവിന്റെ ക്ഷണം സ്വീകരിച്ചാണ് മൂന്ന് ദിവസത്തെ സന്ദർശനത്തിന് ഒമാൻ സുൽത്താൻ ഇന്ത്യയിലെത്തിയത്.
ഹൈദരാബാദ് ഹൗസിൽ നരേന്ദ്ര മോദിയുമായി കൂടിക്കാഴ്ച നടത്തും. പ്രാദേശിക സ്ഥിരത, പുരോഗതി, സമൃദ്ധി എന്നിവക്കായി ഇരു രാജ്യങ്ങളും തമ്മിലുള്ള ഭാവി സഹകരണത്തിനുള്ള വഴികൾ പര്യവേക്ഷണം ചെയ്യാൻ ഈ സന്ദർശനം സഹായകരമാകും. കൂടാതെ, ഇന്ത്യയിലെ നിരവധി മന്ത്രിമാരുമായും ഒമാൻ പ്രതിനിധി സംഘം കൂടിക്കാഴ്ച നടത്തും. വിവിധ മേഖലകളിൽ ധാരണ പത്രങ്ങളിലും ഒപ്പുവെക്കും. ഇന്ത്യയിലെ നാഷണൽ ഗാലറി ഓഫ് മോഡേൺ ആർട്ടും സുൽത്താൻ സന്ദർശിക്കും.
ഇരു രാജ്യങ്ങളും തമ്മിലുള്ള നയതന്ത്ര ബന്ധത്തിലെ സുപ്രധാന നാഴികക്കല്ലാണ് സുൽത്താന്റെ സന്ദർശനമെന്ന് ഇന്ത്യൻ വിദേശകാര്യ മന്ത്രാലയം പ്രസ്താവനയിൽ അറിയിച്ചു.
ഒമാനിലെ ദുക്കമില് ഇന്ത്യൻ നേവിയുടെ പ്രവേശനം അനുവദിക്കുന്നതിന് നേരത്തെ തന്നെ ഇരു രാജ്യങ്ങളും തമ്മില് ധാരണയിലെത്തിയിരുന്നു. ഇന്ത്യയിലെ സന്ദർശനം പൂർത്തിയാക്കി സുൽത്താൻ നാളെ (ഞായറാഴ്ച) മസ്കത്തിലേക്ക് തിരിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F