March 06, 2024
March 06, 2024
തിരുവനന്തപുരം: വിവാദ 'ആള്ദൈവം' സന്തോഷ് മാധവന് മരിച്ചു. ഹൃദ്രോഗത്തെ തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയിലിരിക്കെയായിരുന്നു അന്ത്യം. ചൊവ്വാഴ്ച രാത്രിയാണ് ആശുപത്രിയില് പ്രവേശിപ്പിച്ചത്. സ്വാമി അമൃത ചൈതന്യ എന്ന പേരില് ആള്ദൈവമായി സ്വയം സന്യാസ പരിവേഷം ചാര്ത്തിയ സന്തോഷ് മാധവന്, നിരവധി വഞ്ചനാക്കുറ്റങ്ങളിലും അറസ്റ്റിലായിട്ടുണ്ട്.
2008 ല് ദുബായിലെ ബിസിനസുകാരിയില് നിന്ന് 40 ലക്ഷം രൂപ തട്ടിയെടുത്തെന്ന പരാതിയിലൂടെയാണ് സന്തോഷ് മാധവന്റെ തട്ടിപ്പുകള് പുറം ലോകം അറിഞ്ഞത്. പരാതിയില് ഇയാളെ പോലീസ് അറസ്റ്റ് ചെയ്തിരുന്നു. സാമ്പത്തിക തട്ടിപ്പ് കേസിന് പുറമെ സ്ത്രീ പീഡന കേസിലും പ്രതിയായി ശിക്ഷ അനുഭവിച്ചിട്ടുണ്ട്. പ്രായപൂര്ത്തിയാകാത്ത രണ്ട് പെണ്കുട്ടികളെ ബലാത്സംഗം ചെയ്യുകയും അതിന്റെ വീഡിയോ ദൃശ്യങ്ങള് പകര്ത്തി പ്രചരിപ്പിക്കുകയും ചെയ്ത കുറ്റത്തിന് കോടതി 16 വര്ഷത്തേക്ക് തടവിന് ശിക്ഷിച്ചു. പിന്നീട് ജയില് മോചിതനായി. സന്തോഷ് മാധവന് അനധികൃതമായി കയ്യടക്കിവച്ചിരുന്ന ഭൂമി കഴിഞ്ഞ വര്ഷം സര്ക്കാര് ഏറ്റെടുക്കുകയും ചെയ്തിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F