January 07, 2024
January 07, 2024
മസ്കത്ത്: ഒമാനില് ഇ- സിഗരറ്റുകള് വില്പ്പന നടത്തുന്നവര്ക്കെതിരെയുള്ള പിഴത്തുക വര്ധിപ്പിച്ചു. നിയമവിരുദ്ധമായി ഇ-സിഗരറ്റുകള് വില്പ്പന നടത്തുന്നവര്ക്ക് ആയിരം ഒമാന് റിയാല് പിഴ ചുമത്താനാണ് പുതിയ തീരുമാനം. ഇ- സിഗരറ്റുകളുടേയും ഷിഷയുടേയും വില്പ്പന നിരോധിച്ചത് മുതല് 500 റിയാലാണ് രാജ്യത്ത് പിഴ ചുമത്തിയിരുന്നത്. ഇതാണ് ആയിരമായി ഉയര്ത്തിയത്. അതേസമയം കുറ്റം ആവര്ത്തിച്ചാലുള്ള പിഴ 100 റിയാലില് നിന്ന് 50 റിയാലാക്കി കുറച്ചു.
പുതുക്കിയ പിഴത്തുക അനുസരിച്ച്, നിയമലംഘനം തുടരുന്ന ഓരോ ദിവസവും 50 റിയാല് വീതം പിഴ ഈടാക്കും. അതേസമയം ആകെ ലഭിക്കുന്ന പിഴത്തുക രണ്ടായിരം റിയാലില് കവിയരുതെന്നാണ് നിര്ദേശം. നിയമവിരുദ്ധമായി വില്പ്പന നടത്തുന്ന ഇലക്ട്രോണിക് സിഗരറ്റുകളും ഷിഷകളും അനുബന്ധ ഉപകരണങ്ങളും ഉപഭോക്തൃ സംരക്ഷണ അതോറിറ്റി പിടിച്ചെടുത്ത് നശിപ്പിക്കുകയും ചെയ്യും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F