October 22, 2023
October 22, 2023
മസ്‌കത്ത്: തേജ് ചുഴലിക്കാറ്റിന്റെ പ്രഭാവം ശക്തമായി അനുഭവപ്പെടുന്ന പശ്ചാത്തലത്തില്‍ ഒമാനിൽ ചില ആരോഗ്യകേന്ദ്രങ്ങള്‍ അടച്ചിടാന്‍ ഒമാന്‍ ആരോഗ്യമന്ത്രാലയം നിര്‍ദേശം നല്‍കി. കാലാവസ്ഥ വകുപ്പ് പുറപ്പെടുവിച്ച മുന്നറിയിപ്പിന്റെ അടിസ്ഥാനത്തിലാണ് നടപടി. ആരോഗ്യപ്രവര്‍ത്തകരുടേയും രോഗികളുടേയും സന്ദര്‍ശകരുടേയും സുരക്ഷ കണക്കിലെടുത്ത് അല്‍ ദഹാരിസ്, ന്യൂ സലാല എന്നിവിടങ്ങളിലെ ആരോഗ്യ കേന്ദ്രങ്ങള്‍ ഇന്ന് (ഒക്ടോബര്‍ 22) ഉച്ചയ്ക്ക് ഒമാന്‍ സമയം 2:30 മുതല്‍ അടച്ചിടാന്‍ ആരോഗ്യമന്ത്രാലയം നിര്‍ദേശം നല്‍കി. അതേസമയം അല്‍- സഅദ, അവഖാദ്, സലാല അല്‍ ഗര്‍ബിയ എന്നിവിടങ്ങളിലെ ആരോഗ്യകേന്ദ്രങ്ങള്‍ പ്രവര്‍ത്തിക്കും.
ചുഴലിക്കാറ്റിന്റെ പശ്ചാത്തലത്തില്‍ ചില റൂട്ടുകളില്‍ ബസ് സര്‍വീസുകളും നിര്‍ത്തിവെച്ചതായി മുവാസലാത്ത് അറിയിച്ചു. മസ്‌കത്ത് -ഹൈമ-സലാല, മസ്‌കത്ത്-മര്‍മുല്‍-സലാല എന്നീ സര്‍വീസുകളാണ് നിര്‍ത്തിവെച്ചത്. അല്‍ ഹലാനിയത്ത്- താഖ റൂട്ടിലെ ഫെറി സര്‍വീസുകളും നിര്‍ത്തിവെച്ചു. ഇനിയൊരു അറിയിപ്പുണ്ടാകുന്നതുവരെ സര്‍വീസുകള്‍ താല്ക്കാലികമായി നിര്‍ത്തിവെച്ചതായി അധികൃതര്‍ വ്യക്തമാക്കി. തേജ് ചുഴലിക്കാറ്റിന്റെ പശ്ചാത്തലത്തില്‍ ഒമാനിലെ ചില ഗവര്‍ണറേറ്റുകളില്‍ അവധിയും പ്രഖ്യാപിച്ചിട്ടുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
