July 19, 2021
July 19, 2021
ന്യൂഡല്‍ഹി: ഇസ്രയേല്‍ കമ്പനി വികസിപ്പിച്ചെടുത്ത പെഗാസസ് എന്ന സോഫ്റ്റ് വെയര്‍ ഉപയോഗിച്ച് രാഹുല്‍ ഗാന്ധിയുടെയുംഫോണും ചോര്‍ത്തിയെന്ന് റിപ്പോര്‍ട്ട്. രാഹുല്‍ ഗാന്ധിയുടെ അഞ്ച് സുഹൃത്തുക്കളുടെയും ഫോണ്‍ ചോര്‍ത്തിയതായി വാര്‍ത്തയുണ്ട്.
കേന്ദ്ര മന്ത്രിമാരായ അശ്വിനി വൈഷ്ണവ്, പ്രഹ്‌ളാദ് പട്ടേല്‍ എന്നിവരുടെയും പ്രശാന്ത് കിഷോര്‍, മമത ബാനര്‍ജിയുടെ ബന്ധു അഭിഷേക് ബാനര്‍ജി എന്നിവരുടെ ഫോണുകളും ചോര്‍ത്തിയതായും റിപ്പോര്‍ട്ടുണ്ട്. മുന്‍ സുപ്രീം കോടതി ചീഫ് ജസ്റ്റിസ് രഞ്ജന്‍ ഗൊഗൊയ്‌ക്കെതിരെ ലൈംഗികാരോപണം ഉന്നയിച്ച ജോലിക്കാരിയുടെ ഭര്‍ത്താവിന്റെയും ബന്ധുക്കളുടെയും ഫോണുകളും ചോര്‍ന്നു. ബില്‍ ഗേറ്റ്‌സ് ഫൗണ്ടേഷന്റെ ഇന്ത്യന്‍ ഓപ്പറേഷന്‍ ഡയറക്ടര്‍ എം ഹരിമേനോന്റെയും വസുന്ധര രാജെ സിന്ധ്യയുടെ പ്രൈവറ്റ് സെക്രട്ടറിയുടെയും ഫോണുകളും ചോര്‍ത്തി.
വിഷയത്തില്‍ രാജ്യസഭയില്‍ ചര്‍ച്ചയും ബഹളവും ഉണ്ടായി. ഫോണ്‍ ചോര്‍ത്തല്‍ വിവാദത്തില്‍ സര്‍ക്കാര്‍ മറുപടി പറയണമെന്ന് ആവശ്യപ്പെട്ട് സഭയില്‍ പ്രതിപക്ഷം പ്രതിഷേധിച്ചു.
