January 20, 2022
January 20, 2022
മസ്കത്ത് : ഒമാൻ റോഡുകളിൽ ഇന്ന് മുതൽ വനിതാ ടാക്‌സികൾ ഓടിത്തുടങ്ങും. ആദ്യ ഘട്ടത്തിൽ ഒൻപത് ടാക്സികളാണ് സർവീസ് നടത്തുക. രാജ്യത്തിന്റെ ചരിത്രത്തിൽ ആദ്യമായാണ് ടാക്സി സർവീസിൽ വനിതകൾക്ക് അവസരം ലഭിക്കുന്നത്. 'ഒ ടാക്സി' എന്ന കമ്പനിയാണ് പദ്ധതി നടത്തുന്നത്.
നിലവിൽ മസ്കത്ത് ഗവർണറേറ്റിൽ മാത്രമാണ് ഈ ടാക്‌സികൾ ലഭ്യമാവുക. മസ്കത്തിലെ പരീക്ഷണ ഘട്ടത്തിന് ശേഷം മറ്റ് ഗവർണറേറ്റുകളിലേക്കും പദ്ധതി വ്യാപിപ്പിക്കും. വെള്ള, പിങ്ക് എന്നീ നിറങ്ങളിലാണ് വനിതാ ടാക്‌സികൾ നിരത്തിലിറങ്ങുക. പഠന-ജോലി ആവശ്യങ്ങൾക്കായി മസ്കത്തിന്റെ വിവിധഭാഗങ്ങളിലേക്ക് സഞ്ചരിക്കുന്ന സ്ത്രീകൾക്ക് വനിതാ ടാക്‌സികൾ ഏറെ ഉപകാരപ്രദമാവുമെന്നാണ് വിലയിരുത്തൽ.
