November 28, 2021
November 28, 2021
മസ്കത്ത് : ഒമാനില്(Oman) വരും ദിവസങ്ങളില് മഴയ്ക്ക് സാധ്യത. നവംബര് 29 തിങ്കളാഴ്ച മുതല് ഡിസംബര് ഒന്ന് ബുധനാഴ്ച വരെ ന്യൂനമര്ദ്ദം ഒമാനെയും ബാധിക്കുമെന്ന് കാലാവസ്ഥാ വിഭാഗം മുന്നറിയിപ്പ് നല്കി.
അന്തരീക്ഷം മേഘാവൃതമായിരിക്കും. രാജ്യത്ത് മഴയ്ക്കും സാധ്യതയുണ്ട്. ഇടക്കിടെ ഇടിയോട് കൂടിയ മഴയ്ക്കും കാറ്റിനും സാധ്യതയുണ്ട്. അല് ഹജാര് മലനിരകളിലും പരിസര പ്രദേശങ്ങളിലും മുസന്ദം, വടക്കന് അല് ബത്തിന, തെക്കന് അല് ബത്തിന, മസ്കറ്റ്, തെക്കന് അല് ശര്ഖിയ എന്നീ ഗവര്ണറേറ്റുകളിലെ വാദികളിലും വെള്ളക്കെട്ട് ഉണ്ടാകാനുള്ള സാധ്യതയും അധികൃതര് അറിയിച്ചു. കടല് ശാന്തമായിരിക്കുമെന്നും തിരമാലകള് 2.0 മീറ്റര് ഉയരത്തില് രൂപപ്പെടുമെന്നും അധികൃതര് കൂട്ടിച്ചേര്ത്തു. ജനങ്ങള് ജാഗ്രത പുലര്ത്തണമെന്ന് പബ്ലിക് അതോറിറ്റി ഫോര് സിവില് ഏവിയേഷന് അറിയിച്ചു.
ന്യൂസ്റൂം വാർത്തകൾ ലഭിക്കാൻ +974 33450 593 വാട്സ്ആപ് നമ്പറിൽ സന്ദേശമയക്കുക