October 22, 2021
October 22, 2021
ബുറൈമി: ബുറൈമിയിലേക്ക് യാത്ര ചെയ്യാൻ ഇനി പാസ്പോർട്ടോ റെസിഡന്റ് കാർഡോ വേണ്ടതില്ലെന്ന് അധികൃതർ അറിയിച്ചു. പതിറ്റാണ്ടുകളായി നിലനിന്നിരുന്ന ഈ നിയന്ത്രണം വ്യാഴാഴ്ച ഉച്ചയോടെയാണ് പിൻവലിച്ചത്. ആഴ്ചകളുടെ തുടക്കത്തിലും ഒടുക്കത്തിലും ബുറൈമിയിലേക്കും പുറത്തേക്കും ജോലിക്ക് പോവുന്നവരുടെ വാഹനങ്ങളുടെ നീണ്ട നിരതന്നെ പ്രത്യക്ഷപ്പെടാറുണ്ടായിരുന്നു. ഈ പ്രതിസന്ധിക്കാന് പുതിയ നീക്കത്തോടെ പരിഹാരമായത്.
ബുറൈമിയിലേക്കും, ഒമാന്റെ വിവിധ ഭാഗങ്ങളിലേക്കും ഇനി തടസ്സങ്ങളില്ലാതെ യാത്ര ചെയ്യാൻ കഴിയും. മുൻപ്, ഖത്തം ഷക്ല, ഹഫീത്ത് ബോർഡർ വഴി യുഎഇ വിസയുമായി പോകുന്നവർ പാസ്പോർട്ടിൽ എക്സിറ്റ് സീൽ ചെയ്യാൻ വാദി ജിസി ചെക്ക് പോസ്റ്റിലേക്ക് 35 കിലോമീറ്റർ വരെ യാത്ര ചെയ്യേണ്ട അവസ്ഥ ഉണ്ടായിരുന്നു. പുതിയ നിയമം വന്നതോടെ ഈ യാത്രയുടെ ആവശ്യമില്ലാതായി. പാസ്പോർട്ടിനും റെസിഡൻസ് കാർഡിനും ഒപ്പം സ്പോൺസറുടെ സമ്മതപത്രവും ഉള്ളവർക്കാണ് ആറ് വർഷം മുൻപ് വരെ ബുറൈമിയിലേക്ക് പ്രവേശനം നൽകിയിരുന്നത്.