March 21, 2022
March 21, 2022
മസ്കത്ത് : താമസസ്ഥലത്തുവെച്ച് പൊള്ളലേറ്റതിനെ തുടർന്ന് ചികിത്സയിലായിരുന്ന ഇന്ത്യൻ യുവാവ് മരിച്ചു. തമിഴ്നാട് സ്വദേശിയായ അസ്ഹറുദീൻ അബ്ദുൾ അജസാജ് ആണ് മരിച്ചത്. 22 വയസായിരുന്നു. ഒമാനിലെ വീടുകളിൽ ജോലി ചെയ്ത് ഉപജീവനം നയിക്കുന്ന മാതാവിനൊപ്പം താമസിക്കാൻ, നാല് മാസം മുൻപാണ് അജസാജ് ഒമാനിലെത്തിയത്.
ഏതാനും ദിവസങ്ങൾക്ക് മുൻപാണ് മാതാവ് ജോലിക്ക് പോയ സമയത്ത് അജസാജിന് പൊള്ളലേറ്റത്. ശരീരത്തിന്റെ 95 ശതമാനം ഭാഗത്തും പൊള്ളലേറ്റ നിലയിൽ ആശുപത്രിയിൽ എത്തിച്ച അജസാജ്, ഇത്ര നാളും തീവ്രപരിചരണവിഭാഗത്തിൽ ചികിത്സയിലായിരുന്നു. നടപടികൾ പൂർത്തിയാക്കിയ ശേഷം, അൽ അംറാത് കബർസ്ഥാനിൽ മൃതദേഹം കബറടക്കി.