Breaking News
യു.എ.ഇയ്ക്കും സൗദി അറേബ്യക്കുമുള്ള ആയുധവില്‍പ്പന ബെയ്ഡന്‍ ഭരണകൂടം നിര്‍ത്തിവച്ചു | അല്‍ ജസീറ മാധ്യമപ്രവര്‍ത്തകയുടെ ഫോണ്‍ ഹാക്ക് ചെയ്ത് സ്വകാര്യ ചിത്രങ്ങള്‍ പ്രചരിപ്പിച്ച സംഭവം: അബുദാബി കിരീടാവകാശിക്ക് ട്വിറ്ററിലൂടെ കോടതിയുടെ സമന്‍സ് | കടലിൽ കാണാതായ ഖത്തറി നാവികസേനാ ബ്രിഗേഡിയറെ മരിച്ച നിലയിൽ കണ്ടെത്തി  | മലപ്പുറത്ത് യുവാവ് കുത്തേറ്റു മരിച്ചു | ഇറാൻ,ഇസ്രായേൽ സംഘർഷം രൂക്ഷമാകുന്നു,ഇറാനെ ആക്രമിക്കാൻ പദ്ധതിയിട്ടതായി ഇസ്രായേൽ സൈനിക മേധാവി  | ദ്വിരാഷ്ട്ര ട്വന്റി-20 അന്താരാഷ്ട്ര ക്രിക്കറ്റ് പരമ്പരയ്ക്കായി നേപ്പാള്‍ ടീം ഫെബ്രുവരിയില്‍ ഖത്തറിലെത്തും | താര്‍ഫ രാജകുമാരിയുടെ നിര്യാണത്തില്‍ ഖത്തര്‍ അമീര്‍ സൗദി രാജാവിനെ അനുശോചനം അറിയിച്ചു | ആണവ കരാറിലേക്ക് വീണ്ടുമെത്താന്‍ ബെയ്ഡന് മുന്നില്‍ അധികം സമയമില്ലെന്ന് ഇറാന്‍ | ഇന്ത്യൻ റിപ്പബ്ലിക് ദിനത്തിൽ ആശംസകളുമായി ഗൾഫ് ഭരണാധികാരികൾ  | പുതിയ കാര്‍ഷികനിയമങ്ങള്‍ കര്‍ഷകന്റെ നട്ടെല്ലൊടിക്കുന്നതെന്ന് ഡോ. വര്‍ഗീസ് ജോര്‍ജ്ജ്; ട്രാക്ടര്‍ റാലിക്ക് അഭിവാദ്യമര്‍പ്പിച്ച് ഐ.എം.സി.സി കൂട്ടായ്മ |
ആ ശബ്ദം നിലച്ചു,വിഖ്യാത ഹിന്ദുസ്ഥാനി സംഗീതജ്ഞൻ പണ്ഡിറ്റ് ജസ്‌രാജ് ഓർമയായി 

August 17, 2020

August 17, 2020

ന്യൂഡൽഹി : വിഖ്യാത ഹിന്ദുസ്ഥാനി സംഗീതജ്ഞന്‍ പണ്ഡിറ്റ് ജസ്‌രാജ് അന്തരിച്ചു. ഹിന്ദുസ്ഥാനി സംഗീതത്തിലെ നിരവധി സംഭാവനകള്‍ കണക്കിലെടുത്ത് രാജ്യം മൂന്ന് പത്മ പുരസ്‌കാരങ്ങള്‍ ആദരിച്ച അതുല്യപ്രതിഭയായിരുന്നു പണ്ഡിറ്റ് ജസ്‌രാജ്. 90 വയസായിരുന്നു. അമേരിക്കയിലെ ന്യൂജേഴ്‌സിയില്‍ വച്ചായിരുന്നു അന്ത്യം.
മകള്‍ ദുര്‍ഗാ ജസ്‌രാജാണ് മരണ വിവരം അറിയിച്ചത്.

80 വര്‍ഷം നീണ്ട സംഗീത ജീവിതത്തിനാണ് അമേരിക്കയിലെ ന്യൂജേഴ്‌സിയില്‍ തിരശീല വീണത്. ഹരിയാനയിലെ ഹിസാറില്‍ 1930ലാണ് അദ്ദേഹത്തിന്റെ ജനനം. അറിയപ്പെടുന്ന സംഗീതജ്ഞനായിരുന്ന പിതാവ് മോതി രാംജിയില്‍ നിന്ന് സംഗീത പഠനം ആരംഭിച്ചു. ജ്യേഷ്ഠന്‍ മണിറാം, മഹാരാജാ ജയ്‌വന്ത് സിങ്ജി വഗേല, ആഗ്രാ ഖരാനയിലെ സ്വാമി വല്ലഭദായ് തുടങ്ങിയവരുടെയും ശിഷ്യനായി സംഗീത പഠനം തുടര്‍ന്നു. മണിറാമിന്റെ തബല വാദകനായി കുറച്ചു കാലം തുടര്‍ന്നെങ്കിലും പക്കമേളക്കാരോടുള്ള അവഗണനയില്‍ മനം നൊന്ത് അത് അവസാനിപ്പിച്ച അദ്ദേഹം സംഗീതാഭ്യസനത്തിലേക്ക് ചുവട് മാറ്റുകയായിരുന്നു.

ഹിന്ദുസ്ഥാനി സംഗീതത്തിലെ മേവതി ഘരാന സമ്പ്രദായത്തില്‍ അദ്ദേഹം അതില്‍ അതീവ നിപുണനുമായിരുന്നു. സംഗീത രംഗത്ത് നിരവധി പുതിയ നവീനതകള്‍ പരീക്ഷിച്ച ജസ്‌രാജ് ജുഗല്‍ബന്ദി സംഗീതത്തിന് പ്രത്യേക സംഭാവനകള്‍ നല്‍കി. ആണ്‍,പെണ്‍ ഗായകര്‍ ഒരേസമയം രണ്ടു രാഗാലാപനം നടത്തുന്ന രീതിയിലുള്ള അദ്ദേഹത്തിന്റെ പരീക്ഷണങ്ങള്‍ ആസ്വാദകരെ ഏറെ ആകര്‍ഷിച്ചു. പൂനയിലെ സംഗീതാരാധകര്‍ക്കിടയില്‍ ഇതിനെ ജസ്‌രംഗി എന്നാണ് പേരിട്ട് വിളിക്കുന്നത്.

പദ്മവിഭൂഷണ്‍, പദ്മഭൂഷണ്‍, പദ്മശ്രീ പുരസ്‌കാരങ്ങള്‍ നേടിയിട്ടുണ്ട്. സംഗീത നാടക അക്കാദമി അവാര്‍ഡ്, സംഗീത കലാരത്‌ന, മാസ്റ്റര്‍ ദീനാഘോഷ് മംഗേഷ്‌കര്‍ പുരസ്‌കാരം, സ്വാതി സംഗീത പുരസ്‌കാരം, സംഗീത നാടക അക്കാഡമി ഫെലോഷിപ്പ്, മാര്‍വാര്‍ സംഗീത് രത്‌ന അവാര്‍ഡ്, ഭാരത് മുനി സമ്മാന്‍ എന്നിവയും ലഭിച്ചിട്ടുണ്ട്.

ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News