December 27, 2021
December 27, 2021
മസ്കത്ത് : രാജ്യത്ത് ഇതുവരെ 16 പേരിൽ പുതിയ കോവിഡ് വകഭേദമായ ഒമിക്രോണിന്റെ സാന്നിധ്യം കണ്ടെത്തിയതായി ആരോഗ്യമന്ത്രാലയം അറിയിച്ചു. ഡിസീസ് സർവൈലൻസ് ആൻഡ് കൺട്രോൾ വിഭാഗം ഡയറക്ടർ ജനറലായ ഡോ. സൈഫ് ബിൻ സലീം അൽ അബ്രിയാണ് ഇക്കാര്യം അറിയിച്ചത്.
ഒമിക്രോൺ ലക്ഷണങ്ങളോടെ 90 പേർ നിരീക്ഷണത്തിൽ കഴിയുന്നതായും അബ്രി കൂട്ടിച്ചേർത്തു. രോഗം സ്ഥിരീകരിച്ചവർക്കും, സംശയിക്കപ്പെടുന്നവർക്കും നിസ്സാര ലക്ഷണങ്ങൾ മാത്രമേ ഉള്ളൂ എന്നും, എല്ലാവരും മികച്ച ആരോഗ്യസ്ഥിതിയിൽ ആണുള്ളതെന്നും അബ്രി അറിയിച്ചു. രോഗബാധ സംശയിക്കുന്ന ആളുകളുടെ സാമ്പിളുകൾ ശേഖരിച്ച് ജെനിറ്റിങ് സീക്വൻസിങ് മാർഗത്തിലൂടെ പരിശോധിക്കുന്നുണ്ടെന്നും തിങ്കളാഴ്ച നടത്തിയ വാർത്താസമ്മേളനത്തിൽ അബ്രി പ്രഖ്യാപിച്ചു.