January 04, 2022
January 04, 2022
മസ്കത്ത് : കനത്ത മഴ പെയ്യാൻ സാധ്യതയുള്ളതിനാൽ ഒമാനിലെ ഒൻപത് ഗവർണറേറ്റുകളിലെ വിദ്യാഭ്യാസസ്ഥാപനങ്ങൾക്ക് ഇന്ന് അവധി പ്രഖ്യാപിച്ചു. മുസന്ദം, വടക്കന്‍ അല്‍ ബത്തിന, തെക്കന്‍ അല്‍ ബത്തിന, അല്‍ ബുറൈമി, അല്‍ ദാഹിറ, അല്‍ ദഖിലിയ, മസ്‌കറ്റ്, നോര്‍ത്ത് അല്‍ ഷര്‍ഖിയ, സൗത്ത് അൽ ഷർഖിയ എന്നീ ഗവർണറേറ്റുകളിൽ ആണ് അവധി.
മസ്കത്ത്, തെക്കൻ അൽ ഷർഖിയ, അൽ ബാത്തിന എന്നീ ഗവർണറേറ്റുകളിലെ വിദ്യാഭ്യാസ ഡയറക്ടറേറ്റുകളാണ് ഇതുസംബന്ധിച്ച വിജ്ഞാപനം പുറത്തിറക്കിയത്. ഇന്ന് നടത്താനിരുന്ന പരീക്ഷകളും മാറ്റി വെച്ചിട്ടുണ്ട്. ഇന്ന് ഒമാനിൽ 30 മില്ലി മുതൽ 80 മില്ലി വരെ മഴ ലഭിക്കാൻ സാധ്യതയുണ്ടെന്നാണ് ഏവിയേഷൻ അതോറിറ്റിയുടെ നിരീക്ഷണം
