June 09, 2021
June 09, 2021
മൂവാറ്റുപുഴ: വിവാഹ ആഘോഷങ്ങളൊഴിവാക്കി ചടങ്ങില് പങ്കെടുക്കാന് എത്തിയവര്ക്കെല്ലാം ഫലവൃക്ഷത്തൈകള് സമ്മാനമായി നല്കി വധൂവരന്മാര്. ഖത്തറിൽ സ്വകാര്യ കമ്പനിയിൽ ജോലി ചെയ്യുന്ന അടുപ്പറമ്പ് കാരക്കുന്നേല് ജബ്ബാറിന്റെ മകൻ ഷെഫിനാണ് വിവാഹത്തിന് അതിഥികളായി എത്തിയവർക്ക് വൃക്ഷത്തൈകൾ നൽകി ഹരിതസന്ദേശം പങ്കിട്ട് മാതൃകയായത്. വിവാഹ ചടങ്ങുകള് പരിസ്ഥിതി സൗഹൃദമായാണ് സംഘടിപ്പിച്ചത്. വധു ഹസീന ആലുവ സ്വദേശിയാണ്.
പുതുജീവിതത്തിലേക്ക് കടക്കുന്നതിനൊപ്പം ജീവിക്കുന്ന പരിസ്ഥിതിയെ ചേര്ത്തുപിടിച്ച് വരുന്ന തലമുറക്കായി ആരോഗ്യമുള്ള പരിസ്ഥിതിയെ കൈമാറുക എന്ന ലക്ഷ്യത്തോടെയാണ് ഫലവൃക്ഷത്തൈകള് വിതരണം ചെയ്തതെന്ന് ഷെഫിന് പറഞ്ഞു. ചടങ്ങില് പങ്കെടുത്ത് ഫലവൃക്ഷത്തൈകള് നട്ടവരുടെ വീടുകളില് പിന്നീട് ദമ്പതികൾ സന്ദർശനം നടത്തും.