May 14, 2020
May 14, 2020
ദോഹ : ഖത്തറിൽ അടുത്ത ഞായറാഴ്ച മുതൽ വീടുകളിൽ നിന്ന് പുറത്തിറങ്ങുന്നവർക്ക് മാസ്ക് നിർബന്ധമാക്കി.കാറിൽ തനിച്ച് യാത്ര ചെയ്യുമ്പോൾ ഒഴികെ അത്യാവശ്യ ഘട്ടങ്ങളിൽ വീട്ടിൽ നിന്ന് പുറത്തിറങ്ങുന്ന എല്ലാവരും നിർബന്ധമായും മാസ്ക് ധരിക്കണമെന്നാണ് നിർദേശം. ഇത് ലംഘിക്കുന്നവർക്ക് മൂന്നു വർഷത്തിൽ കൂടാത്ത തടവും രണ്ടു ലക്ഷം റിയാൽ വരെ പിഴയുമാണ് ശിക്ഷ ലഭിക്കുക.
ബുധനാഴ്ച വൈകീട്ട് പ്രധാനമന്ത്രി ശെയ്ഖ് ഖാലിദ് ബിന്‍ ഖലീഫ ബിന്‍ അബ്ദുല്‍ അസീസ് ആല്‍ഥാനിയുടെ അധ്യക്ഷതയില്‍ വീഡിയോ കോൺഫറൻസ് വഴി ചേർന്ന ചേര്‍ന്ന മന്ത്രിസഭാ യോഗത്തിലാണു തീരുമാനം. മെയ് 17 മുതൽ ഇനിയൊരു അറിയിപ്പുണ്ടാകുന്നത് വരെ നിയമം പ്രാബല്യത്തിൽ ഉണ്ടാവും.
ഇതനുസരിച്ച് വീട്ടിൽ നിന്നും പുറത്തിറങ്ങുന്ന എല്ലാ സമയങ്ങളിലും ഫേസ് മാസ്‌ക്ക് നിര്‍ബന്ധമായിരിക്കും. സ്വദേശികൾക്കും വിദേശികൾക്കും നിയമം ബാധകമാണ്.രാജ്യത്ത് കോവിഡ് വ്യാപനം തടയുന്നതിന്റെ ഭാഗമായാണ് നടപടി.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
