June 13, 2021
June 13, 2021
അൻവർ പാലേരി
ദോഹ : ഖത്തർ ഉൾപെടെയുള്ള ഗൾഫ് രാജ്യങ്ങളിൽ നിന്നും കണ്ണൂർ വിമാനത്താവളം വഴി യാത്ര ചെയ്യുന്നവർ കോവിഡ് പരിശോധനയ്ക്കുള്ള ഫോം പൂരിപ്പിച്ചു കയ്യിൽ വെച്ചാൽ വിമാനത്താവളത്തിൽ എത്തിയാലുള്ള കോവിഡ് പരിശോധന എളുപ്പമാക്കാം.വിദേശത്തു നിന്നും നാട്ടിലെത്തുന്നവർക്ക് തികച്ചും സൗജന്യമായാണ് കോവിഡ് പരിശോധന നടത്തുന്നത്. കേരളത്തിനകത്തും വിദേശത്തുമായി നിരവധി ബ്രാഞ്ചുകളുള്ള മൈക്രോ ഹെൽത്ത് ലാബിനാണ് കണ്ണൂർ വിമാനത്താവളത്തിൽ കോവിഡ് പരിശോധനക്കുള്ള ചുമതല നൽകിയിരിക്കുന്നത്.
അതേസമയം,വിമാനത്താവളത്തിൽ എത്തിയ ശേഷം പരിശോധനയ്ക്കുള്ള അപേക്ഷ പൂരിപ്പിച്ചു നൽകുന്നത് പലപ്പോഴും വലിയ തോതിലുള്ള സമയനഷ്ടത്തിന് ഇടയാക്കുന്നുണ്ട്.അതിനാൽ വിദേശത്തു നിന്നും യാത്ര തിരിക്കുന്നതിന് മുമ്പ് തന്നെ ഫോം ഡൗൺലോഡ് ചെയ്ത് പൂരിപ്പിച്ച ശേഷം കയ്യിൽ കരുതുന്നതാണ് ഉചിതം. താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്ത് ഫോം ഡൗൺലോഡ് ചെയ്യാം.
കോവിഡ് പരിശോധനയ്ക്കുള്ള അപേക്ഷാ ഫോം
നിലവിൽ കോവിഡ് പരിശോധന നടത്തി 12 മുതൽ 24 മണിക്കൂറിനുള്ളിൽ തന്നെ ഫലം ലഭിക്കുന്നുണ്ട്.