July 08, 2020
July 08, 2020
ദോഹ : വന്ദേ ഭാരത് മിഷന്റെ ഭാഗമായി ദോഹയിൽ നിന്നും കേരളത്തിലേക്കുള്ള നാലാംഘട്ട സർവീസുകൾക്ക് ഇന്ന് തുടക്കമാവും.ഇന്നും നാളെയും ഇൻഡിഗോയുടെ രണ്ടു വീതം വിമാനങ്ങളാണ് കേരളത്തിലേക്ക് സർവീസ് നടത്തുന്നത്.ഇന്ന് രാത്രി 10.10ന് കൊച്ചിയിലേക്കും രാത്രി 10.15 ന് തിരുവനന്തപുരത്തേക്കുമാണ് സർവീസുകൾ ഉള്ളത്. നാളെ (ജൂലൈ09 വ്യാഴം) രാത്രി 10.05 ന് കോഴിക്കോട്ടേക്കും രാത്രി 09.25 ന് കണ്ണൂരിലേക്കും സർവീസുകൾ ഉണ്ടാവും.
കൊവിഡ് പ്രതിസന്ധിയെത്തുടര്ന്ന് പ്രവാസികളെ ഇന്ത്യയിലേക്ക് മടക്കിക്കൊണ്ടു പോകുന്ന വന്ദേ ഭാരത് മിഷന്റെ നാലാംഘട്ടത്തിനു കഴിഞ്ഞ ദിവസമാണ് തുടക്കമായത്.ഇന്നലെ ലഖ്നോവിലേക്കാണ് ആദ്യ സർവീസ് നടത്തിയത്.ഒരു കുഞ്ഞ് ഉള്പ്പടെ 213 പേരാണ് ഇന്നലെ ലക്നോവിലേക്ക് മടങ്ങിയത്.
വന്ദേ ഭാരത് മിഷന്റെ ഭാഗമായി ഇതുവരെ ദോഹയിൽ നിന്ന് 241 കുഞ്ഞുങ്ങള് ഉള്പ്പടെ 9157 പേർ നാട്ടിലേക്ക് മടങ്ങിയതായി ഇന്ത്യൻ എംബസി ട്വീറ്റ് ചെയ്തു. 51 വിമാനങ്ങളിലായാണ് ഇത്രയും പേര് നാട്ടിലെത്തിയത്. ഇതില് കൂടുതല് സര്വീസുകളും കേരളത്തിലേക്കായിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക