April 11, 2020
April 11, 2020
ദുബായ് : യു.എ.ഇയിൽ ശനിയാഴ്ച കോവിഡ് ബാധിച്ച് നാല് പേർ കൂടി മരിച്ചതോടെ മരണസംഖ്യ 20 ആയി. 376 പേർക്ക് കൂടി ഇന്ന് കോവിഡ്19 സ്ഥിരീകരിച്ചു. ഇതോടെ കഴിഞ്ഞ മൂന്നു ദിവസത്തിനിടെ മാത്രം രാജ്യത്ത് രോഗം സ്ഥിരീകരിച്ചത് 1077 പേർക്കാണ്. രാജ്യത്തെ മൊത്തം രോഗബാധിതരുടെ എണ്ണം ഇതോടെ 3736 ആയി ഉയർന്നു.
അതിനിടെ ഇന്ന് മാത്രം 170 പേർക്ക് രോഗം പൂർണായും ഭേദപ്പെട്ടു. കഴിഞ്ഞ ദിവസങ്ങളിൽ മാത്രം 20,000 പേർക്ക് രാജ്യത്ത് പരിശോധന നടത്തിയിരുന്നു. പരിശോധനയുടെ വ്യാപ്തി വർധിച്ചതോടെയാണ്.
രോഗികളുടെ എണ്ണം പെട്ടെന്ന് ഉയർന്നത് . തുടരുന്ന ചികിൽസാരീതികൾ ഫലപ്രദമാണെന്നതിന്റെ സൂചനയായാണ് അടുത്തദിവസങ്ങളിൽ രോഗം ഭേദമായവരുടെ എണ്ണത്തിലുണ്ടായ വർധനവെന്ന് ആരോഗ്യമന്ത്രാലയം വക്താവ് പറഞ്ഞു. വ്യാഴാഴ്ച 370 പേർക്കും വെള്ളിയാഴ്ച 331 പേർക്കുമാണ് രാജ്യത്ത് രോഗം സ്ഥിരീകരിച്ചത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
