July 20, 2021
July 20, 2021
ദുബൈ: അബുദബി കിരീടവകാശി ശൈഖ് മുഹമ്മദ് ബിന് സായിദ് അല് നഹിയാന് ഹ്രസ്വസന്ദര്ശനാര്ഥം സൗദിയിലെത്തി. റിയാദിലെത്തിയ അദ്ദേഹത്തെ സൗദി കിരീടവകാശി മുഹമ്മദ് ബന് സല്മാന് സ്വീകരിച്ചു. ഒപെക് കൂട്ടായ്മക്ക് കീഴില് എണ്ണ വില വിഷയത്തില് സൗദിയും യു.എ.ഇയും തമ്മില് ധാരണയിലെത്തിയതിന് പിന്നാലെയാണ് സന്ദര്ശനം. തിങ്കളാഴ്ച വൈകുന്നേരത്തോടെയാണ് അബുദബി കിരീടാവകാശി സൗദി തലസ്ഥാനത്തെത്തിയത്. സൗദി മന്ത്രിമാരായ തുര്ക്കി ബിന് മുഹമ്മദ് ബിന് ഫഹദ്, ഖാലിദ് ബിന് സല്മാന് ബിന് അബ്ദുല് അസീസ്, ഡോ മുസാഇദ് അല് അയ്ബാന് എന്നിവരും അബുദാബി കിരീടവാകാശിയെ സ്വീകരിക്കാന് വിമാനത്താവളത്തിലെത്തിയിരുന്നു.