July 19, 2021
July 19, 2021
ദുബൈ: യുഎഇ എംബസി ഇന്ത്യ എന്ന പേരില് വ്യാജ വെബ്സൈറ്റ് ഉണ്ടാക്കി തട്ടിപ്പ് നടത്തുന്നുവെന്ന പരാതിയില് അന്വേഷണം നടത്തുമെന്ന് കേന്ദ്ര മന്ത്രി വി.മരുളീധരന് അറിയിച്ചു.കേന്ദ്ര വിദേശകാര്യ മന്ത്രാലയം ഇക്കാര്യത്തില് അന്വേഷണം നടത്തും. കൊവിഡ് കാലത്തെ പ്രവാസികളുടെ യാത്രാ പ്രതിസന്ധികളെ മുതലെടുത്തുകൊണ്ടാണ് തട്ടിപ്പ്.
യു.എ.ഇ എംബസി ഡോട്ട്.ഇന് ഇന്ത്യ എന്ന വെബ്സൈറ്റിലൂടെയാണ് തട്ടിപ്പ്. ഒറ്റ നോട്ടത്തില് ആര്ക്കും ഇത് യുഎഇ ഭരണകൂടത്തിന്റെ ഔദ്യോഗിക വെബ്സൈറ്റ് ആണെന്നാണ് തോന്നുക. എന്നാല് ഈ വെബ്സൈറ്റിലേക്ക് യാത്ര പ്രതിസന്ധിയില് അകപ്പെട്ട ഒരു പ്രവാസികള് എത്തിയാല് അവരെ പറ്റിക്കുന്നതാണ് പരിപാടി. ആദ്യം യാത്ര വിവരങ്ങള് വിശദാംശങ്ങള് മെയില് ചെയ്യാന് ആവശ്യപ്പെടുകയും അഡ്മിന് യുഎഇ എംബസി ഡോട്ട് ഇന് എന്ന മെയിലിലേക്ക് എല്ലാ രേഖകളും അയക്കാന് ആവശ്യപ്പെടുകയുമാണ്. പാസ്പോര്ട്ട് രേഖകള് ഉള്പ്പെടെ കിട്ടി കഴിഞ്ഞാല് പിന്നീട് എംബസി ഫീസ് എന്ന പേരില് പതിനാറായിരത്തി ഒരുന്നൂറ് രൂപ അക്കൗണ്ടില് ഇടാന് ആവശ്യപ്പെട്ട് മെയില് വരും. ഡല്ഹിയിലെ ഒരാളുടെ എസ് ബി ഐ അക്കൗണ്ടിലേക്കാണ് പണം ഇടേണ്ടത്. ഇങ്ങിനെയാണ് തട്ടിപ്പ് അരങ്ങേറുന്നത്.