May 11, 2020
May 11, 2020
ദുബായ് : ഗൾഫിൽ നിന്നും ഇന്ന് രണ്ടു വിമാനങ്ങൾ കേരളത്തിലെത്തും.ദുബൈ അന്താരാഷ്ട്ര വിമാനത്താവളത്തില് നിന്ന് പ്രാദേശിക സമയം ഉച്ചക്ക് 2.45ന് പുറപ്പെടുന്ന വിമാനം വൈകീട്ട് ഏഴ് മണിയോടെ കൊച്ചിയിലെത്തും. യു.എ.ഇയിൽ നിന്നുള്ള മൂന്നാമത്തെ വിമാനമാണിത്. മേയ് ഏഴിന് ദുബൈയില് നിന്നും അബൂദബിയില് നിന്നും കേരളത്തിലേക്ക് വിമാനം പുറപ്പെട്ടിരുന്നു.
ബഹ്റൈനില് നിന്ന് ഇന്ന് വൈകീട്ട് പ്രാദേശിക സമയം 4.30 ന് പുറപ്പെടുന്ന വിമാനം രാത്രി 11.20 ന് കരിപ്പൂരില് എത്തും. 10 ജില്ലകളില് നിന്നുള്ള 183 യാത്രക്കാരും ഒരു ഗോവ സ്വദേശിയും അടക്കും 184 പേരാണ് വിമാനത്തിലുണ്ടാവുക.തിരിച്ചെത്തുന്ന പ്രവാസി മലയാളികളെ സ്വീകരിക്കുന്നതിനും ക്വറന്റൈനിലേക്ക് മാറ്റാനുമുള്ള എല്ലാ സൗകര്യങ്ങളും സജ്ജമാണെന്ന് സംസ്ഥാന സർക്കാർ അറിയിച്ചിട്ടുണ്ട്.ഗൾഫിൽ നിന്ന് തിരിച്ചെത്തിയ ചിലർക്ക് കോവിഡ് സ്ഥിരീകരിച്ച സാഹചര്യത്തിൽ കേരളത്തിൽ അതീവ ജാഗ്രതയോടെയാണ് ഒരുക്കങ്ങൾ നടത്തുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.